СКАЗАНИЕ, КАКО ПОБЕДИ ДЕВГЕНИЙ ВАСИЛИЯ ЦАРЯ

Некто бысть царь, именемъ Василий1. Слышавъ о дерзости и о храбрости Девгениеве, бысть яростенъ зело, и желание имея ве-лие, како бы его добыти, зане бо Василий царь всю страну Кап-падокейскую стереглъ...

Вборзе нарядивъ послы своя, посла грамоту, написавъ с лас-каниемъ, прелестью сице глагола ему; «Девгений славны! Велие желание имамвидетися с тобою. А ныне не ленись проидитись к моему царству, зане дерзость ихрабрость твоя прослыла повсей вселеней. Илюбовь вниде вмя велия, видети хощу юность твою». Ипринесоша отцаря Девгению грамоту, ипрочеть Девгений и разуме, яко прелесно бысть писание к нему.

И глагола Девгени к нему: «Азъ есмъ от простых людей. Не имать царьство твое до мене николиже вины, но аще хощешь ви­детися со мною, пойми с собою мало вой и приди на реку Еф-ранть». Цареви жь своему рцыте: «Что какъ удумалъ еси худобу мою видети, немного же пойми воинъ с собою, да не разгневав­ши мене, зане юность человъческая на много безумие приводить. Аще азъ разгневаюсь, сокрушу вои твои, а самъ не возвратишись!»

И приеха посол, глаголаше царю вся рекомая Девгениемъ, и услыша царь яростенъ бысть, вборзе нарядивъ и посла к Девге­нию, глагола ему: «Чадо, не имамъ понять много вой с собою, толко имамъ юность твою видети, царьство мое. Иного помышле­ния не имамъ на сердцы».

Пришедъ посолъ царевъ, глагола Девгению реченая царемъ, и отвеща Девгений: «Рцы царю своему такъ: аз не боюсь царства твоего, ни многих твоихъ вой, зане упование имеяи на бога. Не боюсь твоего помысла, но глаголю ти: прииди на реку, глаголе­мую Ефранть, и тамъ видишись со мною. Или со многим вои при-идеши, да не обрадуешися царству своему, а воинства твоя вся сокрушатся». И пришедъ посолъ к Василию царю, сказа ему вся реченая Девгениемъ.

И слышав царь вборзе повеле собрати вои своя, и совокупися, поиде на место, где Девгений рече. И приеха ко Ефранту реке и постави шатры своя далече от реки. А царевъ шатеръ велми великъ бысть, червленъ, а верхъ его шить сухимъ златомъ; а нутри шатра многи тысящи вмещахусь вой. А вся воинства сохранена бысть, ови в шатрехъ, а они в сокровеномъ месте. И пребысть царь на реке 6 дней и рече воеводамъ своимъ: «Нечто Девгений уведалъ и удумалъ над нами, либо хощеть со многими вои быть». То слово изрече Василий царь ужасеся.

Посла Девгений своего предстателя цареви, глаголя: «Дивлю-ся, како потрудися царь твой к моей худости. Но обычей ти ре-кохъ: аще хощеши видетись со мною, то прииди с малым вой. А се собралъ много вой, хотя меня победить, в томъ есть срамъ... зане идеть слава моя по всей земли и по странамъ. А ныне какъ намыс-лилъ еси, такъ и сотвори».

Рече же Василий царь: «Да кою дерзость имаши, аще противу моего царству не дась ми покорения!» И нарядивъ посла своего, и посла за реку, а Девгениева приять. И пришедъ царевъ досолъ глагола Девгению вся повеленая царем. И отвеща Девгений: «Гла­голи царю своему: аще ты надеешися на свою великою силу, азъ же имамъ упование на создавшаго бога. Не имать уподобитися сила твоя противъ божий силы. А уже время дни преминуло, а заутра рано исполчеваись и въстани со своею силою великою, да узриши худаго мужа дерзость, како пред тобою восходит, занеже ми есть срам в неисполнениихъ». И пришедъ Василиевъ посолъ, от Девге-ния глаголы поведа царю.

Царь же вборзе созва бояры своя, начать думати. И отвещаша ему многоимцы: «Во что вменяется царство твое, царю, аще тебъ единаго мужа ужаснутись: не видим с ним вой ничтоже». И Девге-ниевъ посолъ скочивъ у нихъ за реку и поведа Девгению вся быв­шая у царя.

И заутра рано исполчися царь Василий и думаше чрезъ реку ехати, хотяще, яко зайца в тяняте, яти Девгения. Увидевъ Девгений множество вой исполчено у царя Василия и разуме, яко хо­тят приехать чрез реку и обойти его. И Девгений ярости исполнись и рече своим предстателемъ: «Приидите по мне, мало помедлив-ше, азъ же прежде васъ потруждаюся и послужу царю».

И то слово изрекъ, и подпреся копиемъ, и скочи чрезъ реку, яко дюжи соколъ, велегласно кликнувъ: «Где есть Василий дарь, иже имея желание видетись со мною?» И то слово изрекъ, и воины к нему ударишась, и он копие воткнувъ, и вынявъ мечь противо вои. И поскочи, яко добры жнецъ траву сечеть: перво скочи — 1000 ихъ победи, и возвратись вспять, и поскочи — 1000 победи.

Царь же Василий, видевъ дерзость Девгениеву, вскоре поемъ с собою мало вой и побеже. И протчих вой Девгений поби, а иныя связа, и кликну за реку предъстателемъ своимъ: «Приведите ми борзы мой фарь, рекомы Ветръ». Они же примчаша ему фарь, и вседъ на нь, борзо погна Василия, нагна блиско града его, а что было с нимъ вой, всехъ победи, а царя самого четверта взять.

И... единаго посла от нихъ во градъ с вестью. Глаголи гражьда-номъ: «Выдите противъ Девгения, днесь подай ми богь царьство-вати в вашей области». Они же, слышавъ его, вси совокупишась, изыдоша пред градъ битися, чающе, яко с простымъ человькомъ битись. Он же посла, Глаголя: «Пожалуйте оружия и не разгневай­те мене». Они же отвещавъ ему: «Не имаши противень быта всему граду ты единъ». И слышавъ то Девгений, разгневась и поскочи на нихъ: овыхъ изби, а иныхъ превяза и дасть предстателемъ сво­имъ, и вниде во градъ и начать царствовати. А пленыхъ... свободи по мале времени, по писанию, яко «несть рабъ боле господина своего, ни сынъ больше отца своего».

«А еще ми пребысть 12 леть в животь, а ныне хощу опочинути, многи победы и брани во юности своей сотворихъ», — та вся изглаголавъ отцу своему, посадивъ на престоле царскомъ, и при-зва пленныя своя, давъ имъ свободу.

 

1 ...царь, именемъ Василий — возможно, что имеется в виду византий­ский император Василий Македонянин. Обычно же собственные имена в повести вымышленные.