Разгледзьце малюнкі. Ці адбылося з дзьмухаўцом нешта чароўнае? Чаму плача дзяучынка?

Урок 19

Тэма: Я і навакольны свет. Надвор'е, з'явы прыроды

Мэты:

· працягваць выпрацоўку вымаўленчых навыкаў пры вымаўленні гукаў у маўленчай плыні, прывучаць да ўзаемакантролю вымаўлення, пазнаеміць са словамі і выразамі тэматычнай групы;

· фарміраваць уменні асэнсаванага ўспрымання на слых, выпрацоўваць навык чытання на беларускай мове;

· выхоўваць цікавасць да навакольнага свету.

Абсталяванне: падручнік, малюнкі-сімвалы, сшытак, каляровыя алоўкі, фламастары.

Ход урока

I. Маўленчая размінка

Паслухайце верш. Запомніце словы з гукамі [р, ч, дз, г].

З-за хмурынкі месячык

Беленькі ідзе,

За сабою зорачак

Карагод вядзе.

С. Новік-Пяюн.

— Назавіце словы з гукамі [р, ч, дз, г]. Што такое «хмурынка», «месячык», «зорачкі»? Чаму кажуць, што месячык беленькі? Вывучыце і раскажыце вершык хорам.

II. Лексічная праца

Дамінуючы лексічны матэрыял: надвор'е, дождж, навальніца, маланка, хмара.

1) Кожны дзень нас цікавіць, якое будзе надвор'е. Мы слухаем па радыё прагноз і глядзім у акно. А там можа быць сонечна ці золка, пахмурна, ветрана альбо ціха, церушыць дождж ці ісці снег, а можа грымець навальніца (настаўнік паказвае адпаведныя малюнкі-сімвалы, вучні сочаць па сшытку, алоўкам пад патрэбным малюнкам ставяць сімвал).

— Пагуляем у вядучых перадачы «Прагноз надвор'я». Раскажыце пра надвор'е сённяшняга дня, учарашняга дня, спрагназуйце надвор'е на заўтра. Паглядзіце на малюнкі ў сшытку і скажыце, якое надвор'е вам падабаецца?

2) — Паслухайце тэкст, які называецца «Сонца і вясёлка». Як вы думаеце, што такое «вясёлка»? Скажыце, чаму сонейка пакрыўдзілася на вясёлку?

Сонца і вясёлка

Улетку пасля дажджу выглянула сонейка. Над рэчкай заіграла вясёлка. Усе глядзяць на яе, любуюцца. Пачала вясёлка хваліцца, што яна прыгажэйшая за сонца. Пачула гэта сонца і схавалася за хмару. І вяселкі адразу не стала.

— Якія словы вам былі незразумелыя? Чаму знікла вясёлка? Знайдзіце на малюнку ў сшытку сонейка, хмару, вясёлку? Адкуль выглядвае сонейка? Якая хмара? Вясёлка? Размалюйце.

3) Адгадайце загадкі:

Для адных ён — садавод,

Для другіх ён — палявод,

Паспявае ўсюды быць,

Поле, луг і сад паліць. (Дождж.)

Грэе моцна, свеціць ярка

Усяго свету качагарка.

Жар яе не астудзіць,

Полымя не пагасіць. (Сонца.)

Хоць, здаецца, ледзьве дыша —

А ўжо мора ён калыша,

А як часам уздыхне —

Да зямлі дубы прыгне.

Хто нябачны той асілак,

Што такую мае сілу? (Вецер.)

Кішэні не мае,

а сонца хавае.

Страху не мае,

а ад ветру ўцякае.

Вачэй не мае,

а слёзы пралівае. (Хмара.)

Гром грыміць, маланкі блішчуць,

лупіць дождж,

а вецер — свішча! (Навальніца.)

На палеткі, на луг

разаслаўся кажух,

А прыйшоў сакавік

ён заплакаў і знік. (Снег.)

III. Аудзіраванне

1) Адгадайце загадку:

Сонца ім ласкі не шкадавала,

Сонечнай фарбаю пафарбавала.