параграф. Мемлекеттiк мекеме
159-бап. Мемлекеттiк мекеменi құру
1. Республикалық мемлекеттiк мекеменi – Қазақстан Республикасының Президентi немесе Қазақстан Республикасының Үкiметi, коммуналдық мемлекеттiк мекеменi облыстардың, республикалық маңызы бар қалалардың, астананың, аудандардың, облыстық маңызы бар қалалардың жергiлiктi атқарушы органдары құрады.
2. Мемлекеттiң жеке тұлғалармен және мемлекеттiк емес заңды тұлғалармен бiрлесiп мемлекеттiк мекеме құруына жол берiлмейдi.
3. Мемлекеттiк орган болып табылатын мемлекеттiк мекеменi құрудың ерекшелiктерi мен мемлекеттiк органдардың мүлiктiк айналымға қатысуын құқықтық реттеудiң ерекшелiктерi осы Заңның 163 және 164-баптарында белгiленедi.
160-бап. Мемлекеттiк мекеменiң қызметiн қаржыландыру
1. Егер Қазақстан Республикасының заңдарында қосымша қаржыландыру көзi белгiленбесе, мемлекеттiк мекеменiң қызметiн тиiстi саланың уәкiлеттi органы немесе жергiлiктi атқарушы орган бюджеттен не Қазақстан Республикасы Ұлттық Банкiнiң бюджетiнен (шығыстар сметасынан) қаржыландырады.
2. Қазақстан Республикасының заңдарында мемлекеттiк органдар болып табылмайтын мемлекеттiк мекемелерге басқарушылық, әлеуметтiк-мәдени немесе өзге де коммерциялық емес сипаттағы функцияларды жүзеге асырудан бөлек, табыс әкелетiн қызметтi (ақылы қызметтер көрсету) жүзеге асыру құқығы берiлуi мүмкiн.
161-бап. Мемлекеттiк мекеменiң мүлiктiк құқықтарды iске
асыруы
1. Мемлекеттiк мекеме өзiне бекiтiлiп берiлген мүлiктi және өзiне смета бойынша бөлiнген қаражат есебiнен сатып алынған мүлiктi дербес иелiктен шығаруға немесе оған өзгеше әдiспен билiк етуге құқылы емес.
2. Бiлiм беру, сорт сынағы, ветеринария, орман шаруашылығы, ерекше қорғалатын табиғи аумақтар салаларындағы мемлекеттiк мекемелер, сондай-ақ мемлекеттiк кiтапханалар, мемлекеттiк мұражайлар мен мұражай-қорықтар өндiретiн тауарларды (жұмыстарды, көрсетiлетiн қызметтердi) өткiзуiнен түсетiн ақшаны қоспағанда, табыс әкелетiн қызметтi жүзеге асыру құқығы Қазақстан Республикасының заңдарымен берiлген мемлекеттiк мекемелердiң тауарларды (жұмыстарды, көрсетiлетiн қызметтердi) өткiзуiнен түсетiн ақша Қазақстан Республикасының заңдарына сәйкес тиiстi бюджеттiң есебiне жатқызылады.
3. Арнаулы мемлекеттiк органдардың жылжымайтын мүлкiн беру, өткiзу, кәдеге жарату және есептен шығару, сондай-ақ мүлiктiк жалға беру (жалдау) тәртiбiн Қазақстан Республикасының Үкiметi айқындайды.
Ескерту. 161-бапқа өзгерiс енгiзiлдi - ҚР 2012.02.13 N 553-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңымен.
162-бап. Мемлекеттiк мекеменiң жедел басқаруына берiлген
мүлiктi мемлекеттiң алып қою және қайта бөлу
құқығы
Егер Қазақстан Республикасының заңнамасында өзгеше белгiленбесе, мемлекеттiк мүлiк жөнiндегi уәкiлеттi орган (жергiлiктi атқарушы орган) мемлекеттiк мекемеге бекiтiлiп берiлген мүлiктi тиiстi саланың уәкiлеттi органының келiсiмi бойынша алып қоюға не оны басқа мемлекеттiк заңды тұлғалар арасында қайта бөлуге құқылы.
163-бап. Мемлекеттiк органдардың мүлiктiк қатынастарға
қатысуы
1. Қазақстан Республикасының Конституциясына, Қазақстан Республикасының конституциялық заңдарына, Қазақстан Республикасының өзге де заңдарына, Қазақстан Республикасы Президентiнiң жарлықтарына немесе Қазақстан Республикасы Үкiметiнiң қаулыларына орай мемлекеттiк органдар болып табылатын мемлекеттiк органдар, егер Қазақстан Республикасының көрсетiлген заңнамасында және оларды құру туралы жеке құқықтық актiлерде олар заңды тұлғалар ретiнде айқындалса, мемлекеттiк мекемелер болып танылады.
2. Заңды тұлға ретiнде айқындалған мемлекеттiк органдар, егер олар азаматтық-құқықтық қатынастарға мемлекет атынан емес, өз атынан қатысса (жалға алу, кеңсе керек-жарақтарын, жабдықтар сату-сатып алу шарттарын жасаса, зиян келтiргенi үшiн мiндеттемелер бойынша жауаптылықта болса, басқа да азаматтық-құқықтық әрекеттер жасаса) мемлекеттiк мекемелер ретiнде қарастырылады.
164-бап. Мемлекеттiк органдар болып табылатын мемлекеттiк
мекемелердi құрудың және олардың қызметiнiң
ерекшелiктерi
1. Осы Заңның 163-бабының 1-тармағында көрсетiлген мемлекеттiк орган болып табылатын мемлекеттiк мекеме Қазақстан Республикасы заңнамасының және мемлекеттiк органды құру туралы жеке құқықтық актiлердiң негiзiнде құрылады және осы мекеме туралы ережелердiң негiзiнде жұмыс iстейдi.
2. Мемлекеттiк орган болып табылатын мемлекеттiк мекеме өзiнiң атынан басқа заңды тұлғаның құрылтайшысы (акционерi, қатысушысы, мүшесi) ретiнде әрекет етуге құқылы емес. Мемлекеттiк заңды тұлғаларды, акционерлiк қоғамдарды және жауапкершiлiгi шектеулi серiктестiктердi құру кезiнде мемлекеттiк органдар мемлекеттiң (Қазақстан Республикасының немесе әкiмшiлiк-аумақтық бөлiнiстiң) атынан ғана құрылтайшы (акционер, қатысушы) ретiнде әрекет етуге құқылы.
3. Қазақстан Республикасының Ұлттық Банкiн қоспағанда, мемлекеттiк органдар болып табылатын мемлекеттiк мекемелер табыс әкелетiн қызметпен айналысуға құқылы емес. Қазақстан Республикасының Ұлттық Банкi «Қазақстан Республикасының Ұлттық Банкi туралы» Қазақстан Республикасының Заңында көзделген жағдайларда және тәртiппен табыс әкелетiн қызметпен айналысуға құқылы.
4. Мемлекеттiк органның құзыретi, құрылымы, ведомстволық бағыныстылығы және функцияларын жүзеге асыруға байланысты басқа да мәселелер Қазақстан Республикасының заңнамасында және осы мемлекеттiк органдарды құру туралы жеке құқықтық актiлерде айқындалады.
5. Егер Қазақстан Республикасының заңдарында өзгеше белгiленбесе, осы Заңның күшi мемлекеттiк органдар болып табылатын мемлекеттiк мекемелерге қолданылады.
165-бап. Мемлекеттiк мекеменiң жауаптылығы
1. Мемлекеттiк мекеме өз мiндеттемелерi бойынша өзiнiң билiгiндегi ақшамен жауап бередi.
Мемлекеттiк мекеменiң қалған мүлкiн өндiрiп алуға жол берiлмейдi.
2. Мемлекеттiк мекемеде ақша жеткiлiксiз болған кезде оның мiндеттемелерi бойынша Қазақстан Республикасы немесе әкiмшiлiк-аумақтық бөлiнiс тиiстi бюджет қаражатымен субсидиарлық жауаптылықта болады.
12-тарау. АКЦИОНЕРЛIК ҚОҒАМДАРДЫҢ МЕМЛЕКЕТКЕ ТИЕСIЛI АКЦИЯЛАРЫНА ЖӘНЕ ЖАУАПКЕРШIЛIГI ШЕКТЕУЛI СЕРIКТЕСТIКТЕРДIҢ ЖАРҒЫЛЫҚ КАПИТАЛЫНДАҒЫ МЕМЛЕКЕТКЕ ТИЕСIЛI ҚАТЫСУ ҮЛЕСТЕРIНЕ ҚҰҚЫҚТАРДЫ ЖҮЗЕГЕ АСЫРУ
166-бап. Акционерлiк қоғамдардың акцияларына және
жауапкершiлiгi шектеулi серiктестiктердiң
жарғылық капиталындағы қатысу үлестерiне
мемлекеттiң өзiне тиесiлi құқықтарын жүзеге
асыруын құқықтық реттеу
1. Мемлекет қатысатын акционерлiк қоғамдар мен жауапкершiлiгi шектеулi серiктестiктер құруды, акционерлердiң (қатысушылардың) құқықтарын, мемлекет қатысатын акционерлiк қоғамдар мен жауапкершiлiгi шектеулi серiктестiктердiң басқару органдарын құру мен олардың өкiлеттiгiн құқықтық реттеу осы тарауда белгiленген ерекшелiктер ескерiле отырып, «Акционерлiк қоғамдар туралы», «Жауапкершiлiгi шектеулi және қосымша жауапкершiлiгi бар серiктестiктер туралы» Қазақстан Республикасының заңдарымен және Қазақстан Республикасының өзге де заңдарымен жүзеге асырылады.
2. Қазақстан Республикасы қатысатын акционерлiк қоғамдарда және жауапкершiлiгi шектеулi серiктестiктерде Қазақстан Республикасының Үкiметi арқылы акционердiң (қатысушының) акционерлiк қоғамды (жауапкершiлiгi шектеулi серiктестiктi) басқаруға қатысу құқығын мемлекеттiк мүлiк жөнiндегi уәкiлеттi орган жүзеге асырады.
Республикалық меншiктегi акциялардың (жарғылық капиталдағы қатысу үлестерiнiң) мемлекеттiк пакетiн иелену және пайдалану құқығын мемлекеттiк мүлiк жөнiндегi уәкiлеттi орган Қазақстан Республикасы Үкiметiнiң шешiмi бойынша тиiстi саланың уәкiлеттi органына беруi мүмкiн. Республикалық меншiктегi акциялардың (жарғылық капиталдағы қатысу үлестерiнiң) мемлекеттiк пакетiне билiк ету құқығы мемлекеттiк мүлiк жөнiндегi уәкiлеттi органда қалады.
Акциялардың (жарғылық капиталдағы қатысу үлестерiнiң) мемлекеттiк пакетiн иелену және пайдалану құқығын жүзеге асырушы тиiстi саланың уәкiлеттi органы Қазақстан Республикасының заңнамасына сәйкес акционерлердiң жалпы жиналысының (қатысушылардың жалпы жиналысының) құзыретiне жататын мәселелер бойынша акционер (қатысушы) ретiнде мемлекеттiң мүддесiн бiлдiредi.
3. Әкiмшiлiк-аумақтық бөлiнiс қатысатын акционерлiк қоғамдарда және жауапкершiлiгi шектеулi серiктестiктерде әкiмшiлiк-аумақтық бөлiнiстiң акционерлiк қоғамды (жауапкершiлiгi шектеулi серiктестiктi) акционер (қатысушы) ретiнде басқаруға қатысу құқығын жергiлiктi атқарушы орган жүзеге асырады.
4. Ұлттық әл-ауқат қорын қоспағанда, ұлттық басқарушы холдингтiң, ұлттық холдингтердiң, ұлттық компаниялардың және дауыс беретiн акцияларының (жарғылық капиталдағы қатысу үлестерiнiң) елу және одан да көп пайызы, Ұлттық әл-ауқат қорын қоспағанда, ұлттық басқарушы холдингке, ұлттық холдингке, ұлттық компанияға тiкелей немесе жанама түрде тиесiлi ұйымдардың тауарларды, жұмыстар мен көрсетiлетiн қызметтердi сатып алуы, оның iшiнде кепiлдендiрiлген тапсырысты орналастыруы Қазақстан Республикасының Үкiметi бекiтетiн тауарларды, жұмыстар мен көрсетiлетiн қызметтердi сатып алудың үлгi қағидалары негiзiнде жүзеге асырылады.
Ескерту. 166-бапқа өзгерiс енгiзiлдi - ҚР 2011.12.28. № 524-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi), 2012.02.01 N 551-IV (алғашқы ресми жарияланғанынан кейiн күнтiзбелiк он күн өткен соң қолданысқа енгiзiледi) Заңдарымен.
167-бап. Мемлекеттiң акционерлiк қоғамдардың акцияларына
және жауапкершiлiгi шектеулi серiктестiктердiң
жарғылық капиталындағы қатысу үлестерiне
құқықтарының туындау негiздерi
Мемлекет акционерлiк қоғамдардың акцияларына және жауапкершiлiгi шектеулi серiктестiктердiң жарғылық капиталындағы қатысу үлесiне құқықтарды:
1) мемлекеттiк кәсiпорындар мен мемлекеттiк мекемелердi акционерлiк қоғамдар және жауапкершiлiгi шектеулi серiктестiктер етiп қайта құру;
2) мемлекеттiң акционерлiк қоғамдар мен жауапкершiлiгi шектеулi серiктестiктер құруы;
3) мемлекеттiң акционерлiк қоғамдардың акцияларын және жауапкершiлiгi шектеулi серiктестiктердiң жарғылық капиталындағы қатысу үлестерiн сатып алуы;
4) жарғылық капиталындағы қатысу үлесi осы Заңның 19-бабында көзделген негiздер бойынша мемлекеттiк мүлiктiң құрамына түскен, өзге де ұйымдық-құқықтық нысандағы мемлекеттiк емес коммерциялық ұйымдарды акционерлiк қоғамдар және жауапкершiлiгi шектеулi серiктестiктер етiп қайта құру;
5) «Жауапкершiлiгi шектеулi және қосымша жауапкершiлiгi бар серiктестiктер туралы» Қазақстан Республикасының Заңына сәйкес жауапкершiлiгi шектеулi серiктестiктердiң жарғылық капиталындағы қатысу үлестерiн мәжбүрлеп сатып алу;
6) стратегиялық объектiлердi сатып алуға басым құқықты iске асыру;
7) осы Заңның 19-бабында көзделген өзге де негiздер бойынша сатып алу жолымен ие болады.
168-бап. Мемлекеттiк кәсiпорындар мен мемлекеттiк
мекемелердi акционерлiк қоғамдар және
жауапкершiлiгi шектеулi серiктестiктер етiп
қайта құру
Мемлекеттiк кәсiпорындар мен мемлекеттiк мекемелердi акционерлiк қоғамдар және жауапкершiлiгi шектеулi серiктестiктер етiп қайта құру Қазақстан Республикасының Азаматтық кодексiне және Қазақстан Республикасының өзге де заңдарына сәйкес жүргiзiледi.
169-бап. Мемлекеттiң акционерлiк қоғамдардың акциялары
мен жауапкершiлiгi шектеулi серiктестiктердiң
жарғылық капиталындағы қатысу үлестерiн сатып
алуы
1. Егер Қазақстан Республикасының заңдарында өзгеше көзделмесе, акционерлiк қоғамдардың акциялары мен жауапкершiлiгi шектеулi серiктестiктердiң жарғылық капиталындағы қатысу үлестерiн республикалық және коммуналдық мүлiктiң құрамына сатып алу туралы шешiмдi тиiсiнше Қазақстан Республикасының Үкiметi немесе жергiлiктi атқарушы орган қабылдайды.
2. Акционерлiк қоғамдардың акциялары мен жауапкершiлiгi шектеулi серiктестiктердiң жарғылық капиталындағы қатысу үлестерiн бюджет қаражаты есебiнен сатып алу Қазақстан Республикасының Бюджет кодексiнде көзделген тәртiппен жүргiзiледi.
3. Акционерлiк қоғамдардың акцияларын немесе жауапкершiлiгi шектеулi серiктестiктiң жарғылық капиталын ақшадан басқа, өзге мүлiкпен төлеу туралы шешiм қабылданған жағдайда мемлекеттiк мүлiктi беру осы Заңның 114-бабының қағидалары бойынша жүргiзiледi.
4. Акционерлiк қоғамдардың акцияларын республикалық бюджет қаражаты есебiнен сатып алған кезде, сондай-ақ Қазақстан Республикасы қатысатын акционерлiк қоғамдарды құрған кезде республикалық мүлiктiң құрамына түсетiн, акционерлiк қоғамның бағалы қағаздарын ұстаушылардың тiзiлiмiндегi акциялар Қазақстан Республикасының бағалы қағаздар нарығы туралы заңнамасында белгiленген тәртiппен мемлекеттiк мүлiк жөнiндегi уәкiлеттi органның жеке шотының есебiне жатқызылуға тиiс.
Акционерлiк қоғамдардың акцияларын жергiлiктi бюджет қаражаты есебiнен сатып алған кезде, сондай-ақ әкiмшiлiк-аумақтық бөлiнiс қатысатын акционерлiк қоғамдарды құрған кезде коммуналдық мүлiктiң құрамына түсетiн, акционерлiк қоғамның бағалы қағаздарын ұстаушылардың тiзiлiмiндегi акциялар Қазақстан Республикасының бағалы қағаздар нарығы туралы заңнамасында белгiленген тәртiппен, жергiлiктi бюджеттен қаржыландырылатын, коммуналдық мүлiкке билiк етуге уәкiлеттi атқарушы органның жеке шотының есебiне жатқызылуға тиiс.
170-бап. Мемлекеттiң акционерлiк қоғамдар мен
жауапкершiлiгi шектеулi серiктестiктердi құруы
1. Мемлекет акционерлiк қоғамдар мен жауапкершiлiгi шектеулi серiктестiктердi құрған кезде олардың құрылтайшысы Қазақстан Республикасы немесе әкiмшiлiк-аумақтық бөлiнiс болып табылады.
2. Қазақстан Республикасының атынан акционерлiк қоғамдар мен жауапкершiлiгi шектеулi серiктестiктiң құрылтайшысы Қазақстан Республикасының Үкiметi және Қазақстан Республикасының Ұлттық Банкi болады.
3. Әкiмшiлiк-аумақтық бөлiнiстiң атынан акционерлiк қоғамдар мен жауапкершiлiгi шектеулi серiктестiктiң құрылтайшысы жергiлiктi атқарушы орган болады.
4. Акционерлiк қоғамдарды және жауапкершiлiгi шектеулi серiктестiктердi тиiсiнше Қазақстан Республикасы Үкiметiнiң және жергiлiктi атқарушы органның шешiмi бойынша құратын мемлекеттiк мүлiк жөнiндегi уәкiлеттi органды және жергiлiктi бюджеттен қаржыландырылатын, коммуналдық мүлiкке билiк етуге уәкiлеттi атқарушы органды қоспағанда, Қазақстан Республикасының өзге де мемлекеттiк органдары және мемлекеттiк мекемелер акционерлiк қоғамдардың және жауапкершiлiгi шектеулi серiктестiктердiң құрылтайшысы бола алмайды.
5. Қазақстан Республикасының заңдарында кәсiпкерлiк қызметтiң жекелеген түрлерiн жүзеге асыратын акционерлiк қоғамдар мен жауапкершiлiгi шектеулi серiктестiктерге мемлекеттiң қатысуына тыйым салулар мен шектеулер белгiленуi мүмкiн.
6. Мемлекеттiң қатысуымен құрылатын акционерлiк қоғамның немесе жауапкершiлiгi шектеулi серiктестiктiң жарғылық капиталын төлеу Қазақстан Республикасының Бюджет кодексiне сәйкес бюджет қаражаты есебiнен жүзеге асырылады.
7. Акционерлiк қоғамның акцияларын немесе жауапкершiлiгi шектеулi серiктестiктiң жарғылық капиталын ақшадан басқа, өзге мүлiкпен төлеу туралы шешiм қабылданған жағдайда, мемлекеттiк мүлiктi беру осы Заңның 114-бабының қағидалары бойынша жүргiзiледi.
8. Ұлттық басқарушы холдингтердiң, ұлттық холдингтердiң, ұлттық компаниялардың тiзбесiн Қазақстан Республикасының Үкiметi бекiтедi.
171-бап. Мемлекет қатысатын акционерлiк қоғамдар мен
жауапкершiлiгi шектеулi серiктестiктердiң
түрлерi
1. Акционерлiк қоғамдардың акциялары (жауапкершiлiгi шектеулi серiктестiктердiң жарғылық капиталындағы қатысу үлестерi) кiмге тиесiлi екендiгiне қарай мемлекет қатысатын акционерлiк қоғамдар мен жауапкершiлiгi шектеулi серiктестiктер:
1) Қазақстан Республикасы қатысатын акционерлiк қоғамдар және жауапкершiлiгi шектеулi серiктестiктер;
2) әкiмшiлiк-аумақтық бөлiнiс қатысатын акционерлiк қоғамдар және жауапкершiлiгi шектеулi серiктестiктер болып бөлiнедi.
2. Акционерлiк қоғамдардың мемлекетке тиесiлi акцияларының санына (жауапкершiлiгi шектеулi серiктестiктердiң жарғылық капиталындағы мемлекетке тиесiлi қатысу үлестерiнiң мөлшерiне) қарай акционерлiк қоғамдар мен жауапкершiлiгi шектеулi серiктестiктер:
1) мемлекет бақылайтын акционерлiк қоғамдар мен жауапкершiлiгi шектеулi серiктестiктер – жарғылық капиталындағы акционерлiк қоғам акцияларының бақылау пакетi немесе жауапкершiлiгi шектеулi серiктестiктiң жарғылық капиталына қатысуының бақылау үлесi мемлекетке тиесiлi акционерлiк қоғамдар және жауапкершiлiгi шектеулi серiктестiктер болып бөлiнедi. Акционерлiк қоғамның акцияларының бақылау пакетi немесе жауапкершiлiгi шектеулi серiктестiктiң жарғылық капиталына қатысуының бақылау үлесi тиiсiнше акционерлiк қоғамның дауыс беретiн акцияларының елу пайызынан астамы немесе жауапкершiлiгi шектеулi серiктестiктiң жарғылық капиталындағы қатысу үлесiнiң елу пайызынан астамы мемлекетке тиесiлi екендiгiн бiлдiредi;
2) мемлекет үстем емес үлеспен қатысатын акционерлiк қоғамдар мен жауапкершiлiгi шектеулi серiктестiктер – осы тармақтың 1) тармақшасында көрсетiлген белгiлерi жоқ акционерлiк қоғамдар және жауапкершiлiгi шектеулi серiктестiктер болып бөлiнедi.
172-бап. Мемлекет немесе ұлттық басқарушы холдингтер,
ұлттық холдингтер, ұлттық компаниялар бақылайтын
акционерлiк қоғамдар мен жауапкершiлiгi шектеулi
серiктестiктердiң өзге заңды тұлғалардың
жарғылық капиталдарына қатысу ерекшелiктерi
1. Ұлттық басқарушы холдинг, ұлттық холдинг, ұлттық компания немесе мемлекет немесе ұлттық басқарушы холдинг, ұлттық холдинг, ұлттық компания бақылайтын өзге де акционерлiк қоғам немесе жауапкершiлiгi шектеулi серiктестiк акционерлiк қоғамдар мен жауапкершiлiгi шектеулi серiктестiктер нысанында құрылған коммерциялық ұйымдардың, Қазақстан Республикасының заңдарында белгiленген тәртiппен коммерциялық емес ұйымдардың, сондай-ақ шет мемлекеттердiң аумағында құрылған ұйымдардың құрылтайшысы (акционерлерi және қатысушылары) бола алады.
Ұлттық басқарушы холдингтiң, ұлттық холдингтiң, ұлттық компанияның немесе мемлекет немесе ұлттық басқарушы холдинг, ұлттық холдинг, ұлттық компания бақылайтын өзге де акционерлiк қоғамның немесе жауапкершiлiгi шектеулi серiктестiктiң өзге ұйымдық-құқықтық нысанда коммерциялық ұйымдар болып табылатын Қазақстан Республикасының заңды тұлғаларының құрылтайшысы (қатысушысы, мүшесi) ретiнде әрекет етуiне жол берiлмейдi.
2. Ұлттық басқарушы холдинг, ұлттық холдинг, ұлттық компания немесе мемлекет немесе ұлттық басқарушы холдинг, ұлттық холдинг, ұлттық компания бақылайтын өзге де акционерлiк қоғам немесе жауапкершiлiгi шектеулi серiктестiк акционерлiк қоғамға немесе жауапкершiлiгi шектеулi серiктестiкке қарағанда өзге мемлекеттiк емес коммерциялық ұйымдардың жарғылық капиталындағы қатысу үлесiне құқықтарға ие болған жағдайда, жарғылық капиталдағы көрсетiлген қатысу үлесi, егер осы коммерциялық ұйым акционерлiк қоғам немесе жауапкершiлiгi шектеулi серiктестiк болып қайта құрылмаса, оған құқыққа ие болған кезден бастап бiр жыл iшiнде иелiктен шығарылуға жатады.
173-бап. Заңды тұлғалардың жарғылық капиталындағы
мемлекетке тиесiлi бола алмайтын қатысу
үлестерiне (пайларға) құқықтарға мемлекеттiң ие
болуының салдары
Егер осы Заңның 19-бабында көзделген негiздер бойынша мемлекеттiк мүлiктiң құрамына акционерлiк қоғамға немесе жауапкершiлiгi шектеулi серiктестiкке қарағанда өзге ұйымдық-құқықтық нысандағы мемлекеттiк емес коммерциялық ұйымдардың жарғылық капиталындағы қатысу үлестерi (пайлар) түскен болса, жарғылық капиталдағы көрсетiлген қатысу үлестерi (пайлар), егер заңды тұлға акционерлiк қоғам немесе жауапкершiлiгi шектеулi серiктестiк болып қайта құрылмаса, немесе аталған тұлғаның мүлкi негiзiнде мемлекеттiк заңды тұлға құрылмайтын болса, сатудан түскен табысты бюджет есебiне жатқыза отырып, оларға құқыққа ие болған кезден бастап бiр жыл iшiнде иелiктен шығарылуға жатады.
174-бап. Акционерлiк қоғамдар мен жауапкершiлiгi шектеулi
серiктестiктерге мемлекеттiң қатысуын тоқтату
1. Акционерлiк қоғамдар мен жауапкершiлiгi шектеулi серiктестiктерге мемлекеттiң қатысуы акционерлiк қоғамдардың акцияларын немесе жауапкершiлiгi шектеулi серiктестiктердiң жарғылық капиталындағы қатысу үлестерiн сатқан кезде немесе осы Заңның 83-бабында көзделген өзге де негiздер бойынша акционерлiк қоғамдардың акцияларына және жауапкершiлiгi шектеулi серiктестiктердiң жарғылық капиталындағы қатысу үлестерiне құқықтарды тоқтатқан кезде тоқтатылады.
2. Акционерлiк қоғамдардың мемлекетке тиесiлi акцияларын немесе жауапкершiлiгi шектеулi серiктестiктiң жарғылық капиталындағы мемлекетке тиесiлi қатысу үлестерiн сату осы Заңның 10-тарауының қағидалары бойынша жүргiзiледi.
3. Акционерлiк қоғамдардың мемлекетке тиесiлi акцияларын немесе жауапкершiлiгi шектеулi серiктестiктiң жарғылық капиталындағы мемлекетке тиесiлi қатысу үлестерiн акционерлiк қоғам орналастыратын акцияларды төлеуге немесе жауапкершiлiгi шектеулi серiктестiктiң жарғылық капиталына салым ретiнде беру осы Заңның 114-бабында көзделген тәртiппен жүргiзiледi.
175-бап. Акционерлiк қоғамдардың мемлекетке тиесiлi
акцияларына және жауапкершiлiгi шектеулi
серiктестiктердiң жарғылық капиталындағы
мемлекетке тиесiлi қатысу үлестерiне билiк ету
1. Акционерлiк қоғамдардың мемлекетке тиесiлi акцияларын немесе жауапкершiлiгi шектеулi серiктестiктiң жарғылық капиталындағы мемлекетке тиесiлi қатысу үлестерiне билiк ету осы Заңның 10-тарауында көзделген тәртiппен жүргiзiледi.
2. Акционерлiк қоғамдардың мемлекетке тиесiлi акцияларын (жауапкершiлiгi шектеулi серiктестiктердiң жарғылық капиталындағы мемлекетке тиесiлi қатысу үлестерiн) өтеусiз беруге жол берiлмейдi.
3. Ұлттық басқарушы холдингтердiң, ұлттық холдингтердiң жарғылық капиталдарына берiлген ұлттық компаниялардың акцияларына, сондай-ақ стратегиялық объектiлер болып табылатын, акционерлiк қоғамдардың мемлекетке тиесiлi акцияларына (жауапкершiлiгi шектеулi серiктестiктердiң жарғылық капиталындағы мемлекетке тиесiлi қатысу үлестерiне) билiк етуге Қазақстан Республикасы Үкiметiнiң шешiмi бойынша жол берiледi.
4. Мемлекетке тиесiлi акцияларға (жарғылық капиталындағы мемлекетке тиесiлi қатысу үлестерiне) кейiннен сатып алу құқығымен сенiмгерлiкпен басқару нысанындағы үшiншi тұлғалардың құқықтарымен ауыртпалық салуға және оларды иелiктен шығаруға осы Заңның 10-тарауының қағидалары бойынша жол берiледi.
5. Акционерлiк қоғамдардың мемлекетке тиесiлi акцияларын және жауапкершiлiгi шектеулi серiктестiктердiң жарғылық капиталындағы мемлекетке тиесiлi қатысу үлестерiн кепiлге қоюға жол берiлмейдi.
176-бап. Акционерлiк қоғамның мемлекетке тиесiлi
акцияларын немесе жауапкершiлiгi шектеулi
серiктестiктiң жарғылық капиталындағы мемлекетке
тиесiлi қатысу үлестерiн сенiмгерлiкпен
басқаруға беру
1. Акционерлiк қоғамның мемлекетке тиесiлi акцияларын немесе жауапкершiлiгi шектеулi серiктестiктердiң жарғылық капиталындағы мемлекетке тиесiлi қатысу үлестерiн жеке тұлғалардың және мемлекеттiк емес заңды тұлғалардың сенiмгерлiкпен басқаруына берудi, егер берудiң нысанасы республикалық мүлiкке жататын – акционерлiк қоғамдардың акциялары немесе жауапкершiлiгi шектеулi серiктестiктiң жарғылық капиталындағы қатысу үлестерi болып табылса, мемлекеттiк мүлiк жөнiндегi уәкiлеттi орган жүргiзедi.
2. Коммуналдық мүлiкке жататын – акционерлiк қоғамның акцияларын немесе жауапкершiлiгi шектеулi серiктестiктiң жарғылық капиталындағы қатысу үлестерiн сенiмгерлiкпен басқаруға берудi жергiлiктi атқарушы орган жүргiзедi.
3. Акционерлiк қоғамдардың мемлекетке тиесiлi акцияларын немесе жауапкершiлiгi шектеулi серiктестiктiң жарғылық капиталындағы мемлекетке тиесiлi қатысу үлестерiн кейiннен сатып алу құқығымен жеке тұлғалардың немесе мемлекеттiк емес заңды тұлғалардың сенiмгерлiкпен басқаруына беру осы Заңның 10-тарауында белгiленген тәртiппен жүргiзiледi.
4. Сыйақы мөлшерi, сондай-ақ сенiмгерлiкпен басқару әрекетiнiң мерзiмi акционерлiк қоғамдардың акцияларын және жауапкершiлiгi шектеулi серiктестiктiң жарғылық капиталындағы қатысу үлестерiн сенiмгерлiкпен басқаруға беру туралы шартпен айқындалады.
Акционерлiк қоғамдардың акцияларын және жауапкершiлiгi шектеулi серiктестiктiң жарғылық капиталындағы қатысу үлестерiн сенiмгерлiкпен басқаруға мемлекеттiң дивидендтерге деген өз құқығынан бас тартуы арқылы беруге жол берiлмейдi.
5. Сенiмгерлiкпен басқарушыға мынадай:
1) акционерлiк қоғам мен жауапкершiлiгi шектеулi серiктестiктiң жарғысын өзгерту туралы;
2) акционерлiк қоғам мен жауапкершiлiгi шектеулi серiктестiктiң жарғылық капиталының мөлшерiн өзгерту (ұлғайту немесе азайту) туралы;
3) акционерлiк қоғамды немесе жауапкершiлiгi шектеулi серiктестiктi тарату, оларды қайта ұйымдастыру туралы, сондай-ақ олардың атауларын өзгерту туралы мәселелердi шешуге байланысты мемлекеттiң құқықтарын беруге болмайды.
177-бап. Мемлекет қатысатын акционерлiк қоғам мен
жауапкершiлiгi шектеулi серiктестiктi басқаруға
мемлекеттiң қатысу құқығы
1. Мемлекет қатысатын акционерлiк қоғамды немесе жауапкершiлiгi шектеулi серiктестiктi басқаруға мемлекеттiң қатысу құқығын мемлекет «Акционерлiк қоғамдар туралы» және «Жауапкершiлiгi шектеулi және қосымша жауапкершiлiгi бар серiктестiктер туралы» Қазақстан Республикасының заңдарына сәйкес iске асырады.
2. Акциялардың мемлекеттiк пакетiн иелену және пайдалану құқығы берiлген тиiстi саланың уәкiлеттi органы мемлекеттiк мүлiк жөнiндегi уәкiлеттi органның келiсiмi бойынша шешiм қабылданатын:
1) қоғамның жарғысына өзгерiстер және (немесе) толықтырулар енгiзу немесе оны жаңа редакцияда бекiту;
2) жарғылық капиталдың мөлшерiн өзгерту;
3) жылдық қаржы есептiлiгiн бекiту және қоғамның есептi қаржы жылындағы таза табысын бөлу;
4) қоғамға тиесiлi барлық активтердiң жиырма бес және одан да көп пайызын құрайтын сомадағы активтерiнiң бiр бөлiгiн немесе бiрнеше бөлiгiн беру арқылы қоғамның өзге заңды тұлғаларды құруға немесе олардың қызметiне қатысуы туралы шешiм қабылдау;
5) директорлар кеңесiнiң сан құрамын, өкiлеттiк мерзiмiн айқындау, оның мүшелерiн сайлау және олардың өкiлеттiгiн мерзiмiнен бұрын тоқтату, сондай-ақ директорлар кеңесiнiң мүшелерiне сыйақылар төлеу мөлшерi мен шарттарын айқындау;
6) «алтын акцияны» енгiзу және оның күшiн жою;
7) қоғамның iшкi қызметiне қатысты мәселелер бойынша директорлар кеңесi қабылдаған шешiмдердiң күшiн жою мәселелерiн қоспағанда, акционердiң құзыретiне жататын барлық мәселелер бойынша шешiмдi дербес қабылдайды.
Жауапкершiлiгi шектеулi серiктестiктiң жарғылық капиталындағы мемлекеттiк қатысу үлестерiн иелену және оларды пайдалану құқығы берiлген тиiстi саланың уәкiлеттi органы мемлекеттiк мүлiк жөнiндегi уәкiлеттi органның келiсiмi бойынша шешiм қабылданатын:
1) жарғыға өзгерiстер және (немесе) толықтырулар енгiзу немесе жарғыны жаңа редакцияда бекiту;
2) жарғылық капиталдың мөлшерiн өзгерту;
3) жылдық қаржы есептiлiгiн бекiту және таза табысты бөлу;
4) серiктестiктiң өзге де заңды тұлғаларға қатысуы туралы шешiм;
5) серiктестiктiң барлық мүлкiн кепiлге қою туралы шешiм;
6) серiктестiктiң атқарушы органын құру, оның өкiлеттiгiн мерзiмiнен бұрын тоқтату;
7) серiктестiктiң мүлкiн жалға немесе сенiмгерлiкпен басқаруға беру бойынша мәмiлелер туралы шешiмдер қабылдау;
8) байқау кеңесiн және (немесе) тексеру комиссиясын (тексерушiнi) сайлау және олардың өкiлеттiгiн мерзiмiнен бұрын тоқтату;
9) қатысушыдан жарғылық капиталдағы қатысу үлесiн мәжбүрлеп сатып алу туралы шешiм;
10) тарату комиссиясын тағайындау және тарату баланстарын бекiту;
11) серiктестiктiң iшкi қызметiне қатысты мәселелер бойынша байқау кеңесi қабылдаған шешiмдердiң күшiн жою мәселелерiн қоспағанда, қатысушының құзыретiне жататын барлық мәселелер бойынша шешiмдi дербес қабылдайды.
3. Мемлекет қатысатын акционерлiк қоғам директорлары кеңесiнiң немесе жауапкершiлiгi шектеулi серiктестiктiң байқау кеңесiнiң құрамына акциялардың (жарғылық капиталдағы қатысу үлестерiнiң) мемлекеттiк пакетiн иелену және пайдалану құқығы берiлген тиiстi саланың уәкiлеттi органының және мемлекеттiк мүлiк жөнiндегi уәкiлеттi органның өкiлдерi кiредi.
4. Акционерлiк қоғамдардың директорлар кеңесiнiң және жауапкершiлiгi шектеулi серiктестiктердiң байқау кеңесiнiң мүшелерi болып табылатын мемлекеттiк қызметшiлерге сыйақы төленбейдi.
178-бап. Мемлекет жалғыз акционерi (қатысушысы) болып
табылатын акционерлiк қоғамды немесе
жауапкершiлiгi шектеулi серiктестiктi басқару
1. Қазақстан Республикасы тиiсiнше жалғыз акционерi немесе қатысушысы болып табылатын акционерлiк қоғамдар мен жауапкершiлiгi шектеулi серiктестiктердi тарату, қайта ұйымдастыру және олардың атауларын өзгерту туралы шешiмдi Қазақстан Республикасының Үкiметi қабылдайды.
2. Әкiмшiлiк-аумақтық бөлiнiс тиiсiнше жалғыз акционерi немесе қатысушысы болып табылатын акционерлiк қоғамдар мен жауапкершiлiгi шектеулi серiктестiктердi тарату, қайта ұйымдастыру және олардың атауларын өзгерту туралы шешiмдi жергiлiктi атқарушы орган қабылдайды.
3. Қазақстан Республикасы Үкiметiнiң шешiмiмен акционерлiк қоғамның (жауапкершiлiгi шектеулi серiктестiктiң) акцияларының (жарғылық капиталдағы қатысу үлестерiнiң) мемлекеттiк пакетiн иелену және пайдалану құқығы берiлген тиiстi саланың уәкiлеттi органы немесе жергiлiктi атқарушы орган акционерлiк қоғамның (жауапкершiлiгi шектеулi серiктестiктiң) алған таза табысын бөлу туралы шешiмнiң уақтылы қабылдануын және акционерлiк қоғамның (жауапкершiлiгi шектеулi серiктестiктiң) мемлекетке тиесiлi акцияларға (жауапкершiлiгi шектеулi серiктестiктiң жарғылық капиталындағы қатысу үлестерiне) арналған дивидендтердi (жауапкершiлiгi шектеулi серiктестiктiң таза табысының бiр бөлiгiн) жалғыз акционер (қатысушы) шешiм қабылдаған күннен бастап он күн iшiнде аударуын қамтамасыз етуге мiндеттi.
179-бап. Мемлекет акционерi болып табылатын ұлттық
компанияны басқару
1. Мемлекет акционерi болып табылатын ұлттық компания өз қызметiн жүзеге асыру кезiнде экономиканың белгiлi бiр саласындағы мемлекеттiк мүлiктi басқару аясында мемлекеттiң саясатын жүргiзудi қамтамасыз етуге мiндеттi.
2. Мемлекет жалғыз акционерi болып табылатын ұлттық компанияны тарату, қайта ұйымдастыру және оның атауын өзгерту туралы шешiмдi Қазақстан Республикасының Үкiметi қабылдайды.
Облыстардың, республикалық маңызы бар қалалардың, астананың жергiлiктi атқарушы органдары құрған ұлттық компанияны тарату, қайта ұйымдастыру және оның атауын өзгерту туралы шешiмдердi облыстардың, республикалық маңызы бар қалалардың, астананың жергiлiктi атқарушы органдары қабылдайды.
Облыстардың, республикалық маңызы бар қалалардың, астананың жергiлiктi атқарушы органдары құратын ұлттық компания (әлеуметтiк-кәсiпкерлiк корпорация) бiреуден артық болмайды.
3. Акционерi мемлекет болып табылатын ұлттық компанияның, нәтижесiнде құны қоғам активтерi құнының жалпы мөлшерiнiң оннан жиырма беске дейiнгi пайызын құрайтын мүлiктi компания сатып алатын немесе иелiктен шығаратын (сатып алуы немесе иелiктен шығаруы мүмкiн) мәмiленi немесе жиынтығында бiр-бiрiмен өзара байланысты мәмiлелердi жасауы туралы шешiмдi компанияның директорлар кеңесi қабылдайды. Акционерi мемлекет болып табылатын ұлттық компанияның, нәтижесiнде құны қоғам активтерi құнының жалпы мөлшерiнiң оннан аз пайызын құрайтын мүлiктi компания сатып алатын немесе иелiктен шығаратын (сатып алуы немесе иелiктен шығаруы мүмкiн) мәмiленi немесе жиынтығында бiр-бiрiмен өзара байланысты мәмiлелердi жасауы туралы шешiмдi ұлттық компанияның басқармасы қабылдайды.
4. Акционерi мемлекет болып табылатын ұлттық компанияның, нәтижесiнде құны қоғам активтерi құнының жалпы мөлшерiнiң жиырма бес және одан көп пайызын құрайтын мүлiктi компания сатып алатын немесе иелiктен шығаратын (сатып алуы немесе иелiктен шығаруы мүмкiн) мәмiленi немесе жиынтығында бiр-бiрiмен өзара байланысты мәмiлелердi жасауы туралы шешiмдi компанияның директорлар кеңесiнiң ұсынуы бойынша (ұлттық компанияның жалғыз акционерiнiң шешiмiмен) ұлттық компания акционерлерiнiң жалпы жиналысы қабылдайды.
180-бап. Акционерi ұлттық басқарушы холдинг, ұлттық
холдинг болып табылатын ұлттық компанияны
басқару
1. Акционерi ұлттық басқарушы холдинг, ұлттық холдинг болып табылатын ұлттық компанияны тарату, қайта ұйымдастыру және оның атауын өзгерту туралы шешiмдi Қазақстан Республикасының Үкiметi қабылдайды.
2. Құны қоғам активтерi құнының жалпы мөлшерiнiң он және одан да көп пайызын құрайтын мүлiктi нәтижесiнде компания сатып алатын немесе иелiктен шығаратын (сатып алуы немесе иелiктен шығаруы мүмкiн) мәмiленi немесе жиынтығында бiр-бiрiмен өзара байланысты мәмiлелердi ұлттық компанияның жасасуы туралы шешiмдi ұлттық компанияның директорлар кеңесi қабылдайды. Құны қоғам активтерi құнының жалпы мөлшерiнiң оннан аз пайызын құрайтын мүлiктi нәтижесiнде компания сатып алатын немесе иелiктен шығаратын (сатып алуы немесе иелiктен шығаруы мүмкiн) мәмiленi немесе жиынтығында бiр-бiрiмен өзара байланысты мәмiлелердi ұлттық компанияның жасасуы туралы шешiмдi ұлттық компанияның басқармасы қабылдайды.
3. Құны қоғам активтерi құнының жалпы мөлшерiнiң жиырма бес және одан да көп пайызын құрайтын мүлiктi нәтижесiнде компания сатып алатын немесе иелiктен шығаратын (сатып алуы немесе иелiктен шығаруы мүмкiн) мәмiленi немесе жиынтығында бiр-бiрiмен өзара байланысты мәмiлелердi жалғыз акционерi ұлттық басқарушы холдинг, ұлттық холдинг болып табылатын ұлттық компанияның жасасуы туралы шешiмдi ұлттық басқарушы холдингтiң, ұлттық холдингтiң директорлар кеңесi қабылдайды.
181-бап. Ұлттық басқарушы холдингтердi, ұлттық
холдингтердi басқару
1. Ұлттық басқарушы холдингтi, ұлттық холдингтi тарату, қайта құру және оның атауын өзгерту туралы шешiмдi Қазақстан Республикасы Үкiметi қабылдайды.
2. Қазақстан Республикасы Үкiметiнiң шешiмiмен ұлттық басқарушы холдингке, ұлттық холдингке акционерлiк қоғамдардың мемлекетке тиесiлi акциялары мен жауапкершiлiгi шектеулi серiктестiктердiң жарғылық капиталындағы мемлекетке тиесiлi қатысу үлестерi осы Заңның 114-бабының қағидалары бойынша берiлуi мүмкiн.
3. Ұлттық басқарушы холдингтердiң, ұлттық холдингтердiң директорлар кеңесiнiң құрамына мемлекеттiк жоспарлау жөнiндегi уәкiлеттi органның, мемлекеттiк мүлiк жөнiндегi уәкiлеттi органның, тиiстi саланың уәкiлеттi органының және Қазақстан Республикасы Үкiметiнiң шешiмi бойынша өзге де мемлекеттiк органдардың өкiлдерi кiредi.
4. Акционерлердiң жалпы жиналысы үшiн белгiленген, ұлттық басқарушы холдингтер, ұлттық холдингтер акционерлерiнiң жалпы жиналысының ерекше құзыретiне «Акционерлiк қоғамдар туралы» Қазақстан Республикасы Заңының 36-бабы 1-тармағының 6) және 14) тармақшаларында көрсетiлген мәселелердi қоспағанда, осы Заңның 36-бабында көрсетiлген мәселелер жатады.
5. «Акционерлiк қоғамдар туралы» Қазақстан Республикасы Заңының 53-бабы 2-тармағының 15-1) тармақшасында көрсетiлген мәселенi қоспағанда, осы Заңның 53-бабының 2-тармағында көрсетiлген мәселелерден басқа ұлттық басқарушы холдингтердiң, ұлттық холдингтердiң директорлар кеңесiнiң ерекше құзыретiне мынадай мәселелер:
1) аудиттi жүзеге асыратын аудиторлық ұйымды айқындау;
2) штат санын бекiту;
3) еншiлес ұйымдардың стратегияларын және даму жоспарларын әзiрлеу кезiнде олардың бiрыңғай (оның iшiнде еншiлес ұйымдар қызметiнiң салалары бойынша) қаржы, инвестициялық, өндiрiстiк-шаруашылық, ғылыми-техникалық саясатын қалыптастыру;
4) даму жоспарын, сондай-ақ оның орындалу есептерiн бекiту;
5) даму жоспарларының iске асырылуын бағалау;
6) тәуекелдердi басқару жөнiндегi саясатты айқындау;
7) қоғам акцияларды сатып алған жағдайда олардың құнын белгiлеу әдiстемесiн және әдiстемесiне енгiзiлетiн өзгерiстердi бекiту;
8) активтердiң бiр бөлiгiн немесе бiрнеше бөлiгiн қоғамға тиесiлi барлық активтердiң жиырма бес және одан да көп пайызын құрайтын сомада беру арқылы қоғамның өзге де заңды тұлғаларды құруға немесе олардың қызметiне қатысуы туралы шешiм қабылдау жатады.
Ұлттық басқарушы холдингтердiң, ұлттық холдингтердiң атқарушы органының құзыретiне «Акционерлiк қоғамдар туралы» Қазақстан Республикасы Заңында көзделген мәселелер және акцияларының (жарғылық капиталындағы қатысу үлесiнiң) он және одан да көп пайызы қоғамға тиесiлi заңды тұлға акционерлерiнiң (қатысушыларының) жалпы жиналысының құзыретiне жататын қызмет мәселелерi бойынша шешiмдер қабылдау кiредi.
182-бап. Мемлекет қатысатын акционерлiк қоғамдарды
корпоративтiк басқару мәселелерi жөнiндегi
мамандандырылған кеңестер
1. Ұлттық басқарушы холдингтердi, ұлттық холдингтердi басқару жөнiндегi қызметтi үйлестiру үшiн Қазақстан Республикасының Үкiметi жанынан корпоративтiк басқару мәселелерi жөнiндегi мамандандырылған кеңестер құрылуы мүмкiн.
Корпоративтiк басқару мәселелерi жөнiндегi мамандандырылған кеңестер туралы ереженi және олардың құрамын Қазақстан Республикасының Үкiметi бекiтедi.
2. Мемлекет бақылайтын акционерлiк қоғамдардағы корпоративтiк басқаруды бағалау тәртiбiн мемлекеттiк жоспарлау жөнiндегi орталық уәкiлеттi орган айқындайды.
183-бап. Ұлттық басқарушы холдингтердiң, ұлттық
холдингтердiң бюджеттiк инвестициялық жобаларды
iске асыру бойынша бюджеттiк инвестицияларды
пайдалануы
1. Ұлттық басқарушы холдингтердiң, ұлттық холдингтердiң жарғылық капиталына мемлекеттiң қатысуы арқылы бюджеттiк инвестицияларды жүзеге асыру кезiнде акциялардың мемлекеттiк пакетiн иелену және пайдалану құқығын жүзеге асырмайтын бюджеттiк бағдарламалардың әкiмшiлерi Қазақстан Республикасы Үкiметiнiң шешiмiне сәйкес ұлттық басқарушы холдингтер, ұлттық холдингтер акцияларының эмиссиясын төлей алады.
Ұлттық басқарушы холдингтiң, ұлттық холдингтiң және ұлттық басқарушы холдингке, ұлттық холдингке кiретiн акционерлiк қоғамдардың бюджеттiк инвестициялық жобаны iске асыру туралы есебiн ұлттық басқарушы холдинг, ұлттық холдинг тоқсан сайын ұлттық басқарушы холдингтiң, ұлттық холдингтiң директорлар кеңесiнiң қарауына және бюджеттiк бағдарламаның әкiмшiсiне ұсынады.
2. Ұлттық басқарушы холдингтер, ұлттық холдингтер бюджеттiк инвестициялық жобаларды iске асыру үшiн шығарған акциялар мемлекеттiк мүлiк жөнiндегi уәкiлеттi органның шотына жатқызылады.
Мемлекеттiк мүлiк жөнiндегi уәкiлеттi орган ұлттық басқарушы холдинг, ұлттық холдинг шығарған акцияларды ұлттық басқарушы холдингтiң, ұлттық холдингтiң акциялардың мемлекеттiк пакетiн иелену және пайдалану құқығын жүзеге асыратын уәкiлеттi органға бередi.
3. Бюджеттiк инвестициялық жобаларды iске асыруға арналған ақша ұлттық басқарушы холдингтiң, ұлттық холдингтiң құрамына кiретiн акционерлiк қоғамдардың орналастыратын акцияларын төлеуге түскен, ұлттық басқарушы холдингтiң, ұлттық холдингтiң атқарушы органы, сондай-ақ ұлттық басқарушы холдингке, ұлттық холдингке кiретiн акционерлiк қоғамдардың атқарушы органы осы бюджеттiк инвестициялық жобалардың iске асырылуы үшiн жауаптылықта болады.
184-бап. Акциялары ұлттық басқарушы холдингке, ұлттық
холдингке, сондай-ақ ұлттық компанияларға
тиесiлi ұлттық басқарушы холдингтердiң, ұлттық
холдингтердiң, ұлттық компаниялардың қызметiн
жоспарлау