Вольф-Паркинсон-Уайт синдромы. 2 страница
Науқас 26 жастағы даяшы әйел, емханаға басының ауруы, бұлшық еттерінің әлсiздiгi, еңбекке қабiлетiнiң төмендiгi, шөлдеу, несеп бөлуінiң жиiлеуi, ұйқысының бұзылуы шағымдарымен келдi. Өзiн кейiнгi бір жылда ауру санайды. Дәрiгерге салмағының артуы мен жалпы әлсiздiк мазалаған соң қаралған, артериялық гипертензия анықталған (АҚ 150/100 мм сын. бағ.) антигипертензиялық дәрмектермен емделген. Бiртiндеп аузының құрғауы, шөлдеу дамып, терiсiнде безеулер, қолтық асты шұңқырының түктерінiң жоғалуы, салмақ қосу және жалпы әлсiздiк үдеген. Анамнезiнде жиi салқындаулар, 2 рет бүйректік шаншуы болған, етеккірдiң бұзылысы бар.
Об-тi: жалпы жағдайы қанағаттанарлық, бетіне, мойнына, төс аймағына, ішіне, сандарына май жиналған, iшi және сан терiлерiнде ашық-қызыл жолақтар бар, салмағы 96 кг, бойы 160 см. Бетi қошқыл-қызыл, кеңейген майда қан тамырлары көзге айқын көрiнедi. Бетiнде, кеудесiнде, арқасында гипертрихоз. Жүрек шегі сол жағына шамалы ығысқан, жүрек тондары тұйықталған, тахикардия. АҚ 200/100 мм сын. бағ.
Қан анализiнде: эрит. 5,8х1012/л, лейк. 10,0х109/л, қандағы глюкоза деңгейі – 7,0 ммоль/л.
1. Жетекші синдромдар, күдікті аурулар.
2. Тексеру жоспары.
3. Мамандармен кеңесіңіз, әрі қарайғы тактика. Госпитализация көрсетпелері.
N17. Жауаптары:
1. АГ, эндокринді семіздік, дисменорея, гипергликемиялық синдромдары мен лейкоцитоз бар. Жас әйелде жоғарыдағы өзгерістердің топтасуы – эндогенді гиперкортицизмнен күдіктендіреді. Бұл өз кезегінде келесі диагноздарды болжауға мүмкіндік береді: 1) Иценко-Кушинг синдромы (кортикостерома). Бірақ эндогенді гиперкортицизмнің гипофиз ісігінде немесе гиперплазиясында да кездесетінін екскеріп, 2) Иценко-Кушинг ауруымен де ДД жүргіземіз.
2. Хаттамаға сай келесі тексерулерді ұйымдастыру қажет, емханада: ҚЖА, НЖА, қанның креатинин, мочевина, АЛТ, АСТ анализдері, ЭКГ; стационарда: кортизол мен АКТГ базальді деңгейін, кортизолдың тәуліктік ырғағын, бүйрек пен бүйрек үсті бездерінің УДЗ мен КТ, бас миының контрасталуымен МРТ, омыртқа жотасының бел-сегізкөз аймағының рентгенограммасы, денситометрия.
3. Тізілген зерттеулер нәтижелері дайын болғанда эндокринолог, нейрохирург кеңестері арқылы емде тактикасы шешіледі. Эндогенді гиперкортицизмнің дәлелденуі – жоспарлы госпитализацияға (эндокринді/терапиялық, хирургиялық бөлімдерге) көрсетпелер саналады (2015 ж. хаттамаларға сай.)
Клиникалық жағдай N18
19 жастағы қыз бала жұмысқа тұру үшін медициналық тексерулерге келді.
Шағымдары: басының ауыруын, кейде айналуын, соңғы 2-3 жылда байқаған. Бала кезінде, мектеп бітіргенге дейін АҚ жоғарылауы тіркелмеген.
Об-ті: жалпы жағдайы қанағаттанарлық, тері жамылғылары қалыпты түсті. Өкпесінде везикулалық тыныс. Жүрек тондары күшті, ырғақты. АҚ 180/100 мм сын. бағ. Пульсі кернеулі, толуы үлкен. Іші жұмсақ, кіндіктен 2-3елі жоғары, сол жағында систолалық шу естілді.
ҚЖА, НЖА патологиясыз. Күндізгі стационарға жатқызылып, АҚ мониторингі (АМАД амбулаторное мониторирование АД) жүргізілді. Антигипертензиялық дәрмектерден периндоприл 5 мг/тәу. тағайындалды.
1. Жетекші синдромдары, күдікті аурулар, тексеру жоспары. Шешуші зерттеуді тағайындаңыз.
2. Клиникалық диагнозы, әрі қарайғы тактикасы. Радикал ем тактикасын шешу мақсатында мамандармен кеңесіңіз.
N18. Жауаптары:
1. АГ синдромы 20 жас айналасында бірінші рет дамыды, бүйрек артериясы проекциясында систолалық шу естілді – реноваскулярлы АГ нұсқайды; систолалық шу – жас қыздарда бүйрек артериясының тарылуын (фибромускулярлы дисплазияны) нақтауы мүмкін. Аталған күдікті аурулардың бар-жоқтығын допплер УДЗ шешеді.
2. Нег. ауру: Фибромускулярлы дисплазия. САГ. Нефролог кеңесі, квотамен жіберілетін орталықтар мамандарымен телемедицина.
Клиникалық жағдай N19
28 жастағы әйелде соңғы 5-6 апта көлемінде дене қызуының 37,70С
дейін жиі-жиі жоғарылауы, артралгиялар, миалгиялар, терлегіштік мазалаған. Емханада тексерілгенде лейкоцитоз, ЭТЖ жоғарылауы анықталып ЖРА емдеген, бірақ нәтижесіз болғандықтан, сонымен қатар сол қолының ұйып қала беруінен, қайта қаралып отыр.
Об-ті: дене бітімі нормостеник, тері жамылғылары қалыпты түсті. Дене қызуы 37,70С. Өкпе үстінде везикулалық тыныс. Жүрек тондары анық, ырғақты, аорта үстінде сол бұғана асты артериясына тарайтын систолалық шу естілді, ЖСС 90 мин. АҚоң қолы 160/110; АҚсол қолы 125/60 мм сын. бағ. Екі қолының АҚ градиенті 20 мм сын. бағ. көп.
1. Жетекші синдромдары, күдікті аурулар, тексеру жоспары. Шешуші зерттеуді тағайындаңыз.
2. Клиникалық диагнозы, әрі қарайғы тактикасы. Базистік ем тактикасын шешу мақсатында мамандармен кеңесіңіз.
3. Симптомдық емiн жүргiзiңiз.
N19. Жауаптары:
1. АГ – симптомдық, екі қолындағы көрсеткіштер градиенті 20 мм сын. бағ. жоғары, аортада тармақтарына тарайтын систолалық шу, аортаның зақымдануын – васкулиттік синдромды дәлелдейді; артралгия, миалгия; қызба. Күдікті нозобірліктер: Такаясу ауруы; мерездік мезоаортит. Соңғысына күдік ҚЖА микрореакциядан ақ басталуы керек еді, оның терістігі мұны жоққа шығарады, дегенмен допплер ЭхоКГ күдікті екі аурудың да сұрақтары шешіледі.
2. Нег. ауру: Такаясу ауруы (бейспецификалық аорта-артериит). Бүйрек артерияс зақымд ЖІКТЕМЕ? Ревматолог кеңесі мен емі.
3. Антигипертензиялық дәрмектерден перифериялық вазодилятаторлар тағайындаймыз.
Клиникалық жағдай N20
33 жастағы әйел АҚ 150/90 мм сын. бағ. дейін жоғарылағанына шағымданып келді.
Анамнезінен 3 жүктілік, үш босану болған, соңғы босануы 28 жасында, 2 жыл емізген, соңғы жылдары жүктіліктен контрацепциялық дәрмектермен қорғанып жүр. Өт жолдарының дискинезиясы мәселелері соңғы 2 жылда жиі мазалайды.
Об-ті: жалпы жағдайы қанағаттанарлық, нормостеник. Тері жамылғылары өзгеріссіз. Өкпе үстінде везикулалық тыныс. Жүрек тондары анық, ырғақты, ЖСС 78 мин. АҚ 150/95 мм сын. бағ. Тілі сарғыш шөгіндімен жабылған, ылғалды. Іші жұмсақ, оң қабырға астында сезімтал, патологиялық симптомдар анықталмады.
ҚЖА, НЖА, ЭКГ патологиясыз.
1. Жетекші синдромдары, күдікті аурулар.
2. Тексеру жоспары. Дифференциялық диагнозын жүргізіңіз.
3. Клиникалық диагнозы, әрі қарайғы тактикасы.
N20. Жауаптары:
1. Симптомдық АГ (контрацептивтердің жағымсыз әсерлерінен дамыған), өт қапшығы және жолдарының дискинезиясы (контрацептивтердің жағымсыз әсерлерінен дамыған). Симптомдық АГ І дәр.; склероздаушы холангит.
2. Клиникалық минимумнан бөлек: ДМАД; АлАТ, сілтілі фосфатаза, ГГТП; құрсақ органдарын УДЗ кешені. Гинеколог, гастроэнтеролог кеңесі. Біріншілік склероздаушы холангит пен контрацепциялық холангит клиникаларын, зерттеу мәліметтері дайын болғанда науқас клиникасымен салыстырамыз.
3. Д-з: Симптомдық дәрмектік (контрацептивтерді ұзақ қолданудан) АГ. Контрацептивтерді қабылдамау, гинекологпен жүктілікті жоспарлауын шешу; гепатопротекторлар: гептрал 2 курс (эссенциаленә тағайындауға болмайды); алатікен жармасын 8-12 ай.
Кеуде сарайының ауырсынуы
Клиникалық жағдай N1
15 жастағы жасөспірім дене қызуының 39-400С жоғарылауына, қалтырауға, кеуде сарайы мен ішінің бұлшық еттерінің күшті ауыруына шағымданды. Ауырсыну қимыл-қозғалыста, жөтелгенде күшейеді, ұстамалы түрде, әр сағатта 5-10 минуттан мазалайды. Осыдан 3-4 күн бұрын да осындай шағымдармен ем алып кеткен. Айналасындағы қоршаған ортада жоғары тыныс жолдарының жедел респирациялық вирусты ауруларымен (ЖРВА) ауырғандар жиілеген.
Об-ті: жалпы жағдайы қанағаттанарлық, дене қызуы 390С. Жұтқыншағының кілегей қабығы қызарған, мойын лимфалық түйіндері үлкейген. Өкпесінде везикулалық тыныс, сырылдар жоқ. Жүрек тондары анық, ырғақты, ЖСС 90 мин.
1. Келесі дерттердің ең мүмкінін белгілеңіз:
1. Борнхольм ауруы (эпидемиялық миалгия)
2. Лептоспироз
3. Ботулизм
4. Ревматизмдік полимиалгия
5. Дерматомиозит
2. Ауруын дәлелдейтін клиникалық ерекшеліктері мен зерттеулерді таңдаңыз.
N1. Жауаптары:
1. 1.
2. Бұл ауруда фарингит пен лимфа түйіндерінің үлкеюі және экзантемалар жиі қабаттасады. Зерттеулерден 5, 14 тәуліктерде жүргізілетін серологиялық тәсілдер нәтижелі: энтеровирустардың эталонды штамдарымен нейтрализация (бейтараптау реакциясы); РСК; гельдегі преципитация реакциясы; гемагглютинацияны тежеу реакциясы.
Клиникалық жағдай N2
17 жастағы жасөспірім, ревматология бөліміне әскери комиссиямен жүрек ұшында естілген систолалық шуға байланысты жіберілген.
Жүрек тұсындағы ауырсыну мен жүрегінің қағып кету сезімі кейбір уақыттарда, сирек мазалайды.
Об-ті: жалпы жағдайы қанағаттанарлық, дене бітімі астеник,
перифериялық ісінулер жоқ. Жүрек аймағын қарағанда өзгеріс жоқ, перкуссияда жүректің шала тұйық дыбыс шектері өзгермеген, аускультацияда жүрек тондары анық, ырғақты, жүрек ұшында I тоннан соң қосымша үнді систолалық тон, артынша систолалық шу естіледі. Пульсі 70 минутына, толуы мен кернеуі қанағаттанарлық, АҚ 120/70 мм сын. бағ. Бауыры үлкеймеген. ЭКГ өзгеріссіз.
Қан анализдерінен қабыну белгілері анықталмады.
1. Алғашқы (болжам) диагнозы.
2. Тексеру жоспарын құрыңыз, негiзгi клиникалық синдромға сүйене отырып, шешуші маңызы бар тексеруді тағайындаңыз.
3. Дифференциялық диагнозды жүргiзiңiз.
4. Тактикаңыз.
N2. Жауаптары:
1. Болжам д-з:
Негізгі ауруы: Дәнекер тіндік дисплазия. Митраль қақпақтарының пролапсі (Барлау синдромы).
Асқ.: ЖШФК0.
2. Жетекші симтомы – жүрек аймағында шу естілу, қақпақтық ақаудан күдіктендіреді: шудың үнді қосымша систолалық шудан кейін естілуі митральқақпақтарының пролапсіне нұсқайды. Шешуші тәсіл – ЭхоКГ.
3. ДД ревматизмдік ақаумен жүргізіледі: стрептококтік анамнез жоқ; ревматизмдік қыызбалар болмаған және қабынулық синдром жоқ; ең бастысы ревматизмдік ақаулардың жиісі – митраль қақпақтарының шамасыздығында жүрек ұшында І тон әлсірейді, систолалық шу соның негізінде естіледі.
4. ЭхоКГ аномальді орналасқан хордалар анықталып, ол пароксизмдік бұзылыстарға ұласпайтын болса, араласу қажет емес, керісінше болғанда кардиохирург кеңесі керек.
Клиникалық жағдай N3
52 жастағы науқас әйелдiң шағымдары: жүрек тұсының тұрақты сыздап ауырсынуы, физикалық күшпен байланыссыз, психоэмоциялық фактор кейде күшейтедi, нитраттар көмектеспейдi, седативтi дәрмектермен баяу басылады. Соңғы жылы 2-3 қабатқа көтерiлгенде, тез жүргенде ентiгу, тез шаршағыштық, жұмысқа қабiлеттiлiгiнiң төмендеуi қосылды. Науқас өзiн 5-6 жылдан берi ауру санайды. Осы уақыт iшiнде етеккiрi ретсіз келiп, тершеңдiк, кенеттен ыстықтағыштық мазалаған. Соңғы 8 айда етеккiрi тыйылған. Емханаға қаралып, бiрнеше рет седативтi дәрмектер алған, ЭКГ жасатқан. Жағдайы уақытша ғана жақсарып тұрған.
Объективтi: жалпы жағдайы қанағаттанралық, iсiнулері жоқ, гиперстеник. Көңiл күйi толқымалы, терісінде қызыл дермографизм. Өкпесiнде везикулалық тыныс. Жүрек шектерi: сол шегi бұғана орта сызығынан 1,0 см тысқары, қалған шектерi өзгермеген. Жүрек тондары әлсiреген, ырғақты. Пульсі 80 минутына, кернеуi мен толуы қалыпты. АҚ 135/80 мм сын. бағ. ЭКГ: синусты ырғақ, ЖЭӨ солға ығысқан, V1–4 Т тiсшесi терiс, V5,6 жайылған. Динамикада бақылағанда осы өзгерiстері, соңғы 4 апта бойы сақталды.
1. Алғашқы, яғни болжам диагнозы
2. Негiзгi клиникалық синдромдарды бөліп, тексеру жоспарын құрыңыз,
дифференциялық диагноз жүргiзiңiз. Клиникалық диагнозы
3. Емi, қажетті маман кеңесіне жіберіңіз
N3. Жауаптары:
1. Нег. ауруы: Климакстік дисгормондық кардиомиопатия (миокардиодистрофия).
Асқ.: ЖШФКI.
2. Жетекші синдромдары: артық салмақ; инволюциялық дисгормонизм; кардиомегалия парциальді (СҚГ) және кардиомиопатия. Аталған синдромдар Дисгормондыұ КМП күдіктендіреді; дегенмен жасы мен артық салмағын ескеріп, ЖИА жоққа шығару (дәлелдеу) мақсатында холтер ЭКГ; ал КМП климакстік этиологиясын дәлелдеу мақсатында арнайы сынама (обзиданмен сынама) жүргіземіз.
3. Гинеколог емі; бета-блокаторлармен курстық ем; седативті дәрмектер.
Клиникалық жағдай N4
42 жастағы ер кісіде 12 сағат бұрын кешкі 2200 шамасында дене қызуы күрт 390С жоғарылап, қалтырау мен кеуде сарайының сол жартысының тыныспен, құрғақ жөтелмен байланысты ауырсынуы дамыды.
Дертін науқас суықтау факторымен байланыстырады.
Об-ті: жалпы жағдай орта ауырлықта, дене қалыбы мәжбүр, оң жағына қисая, кеуде сарайының сол жартысын оң қолымен сүйеп отыр. Дене қызуы 390С. Тыныстан кеуде сарайының сол жағы қалыңқы, тынысты терең алуда тыныс қимылын күрт үзеді. Перкуссияда сол өкпесінің төмен бөлігінің үстінде өкпе дыбысы қысқарған. Аускультацияда аталған аймақтың үстінде везикулалық тынысы әлсіреген, қардың сықырындай шу, фонендоскопты басқанда күшейетін, естілді, тыныс жиілігі 30 мин. Жүрек тондары айқын, ырғақты, ЖСС 120 мин. АҚ 90/70 мм сын. бағ.
ҚЖА бейспецификалық қабыну белгілері айқын.
1. Алғашқы, яғни болжам диагнозды қойыңыз.
2. Негiзгi клиникалық синдромдарды бөліңіз. Жетекші синдромдардың патогномды клиникалық симптомдарына сүйеніңіз.
3. Тексеру жоспарын құрыңыз, дифференциялық диагноз жүргiзiңiз.
4. Емiн жоспарлаңыз, стационар алмастырушы технологияны қолдану мүмкіндіктерін саралаңыз.
N4. Жауаптары:
1. Нег. ауруы: Жедел құрғақ плеврит. Плевропневмония?
2. Плевраның зақымдану синдромы (қар сықырындай шудың тыныс актімен байланыстылығы); өкпе тінінің тығыздалу; бейспецификалық қабыну синдромы. Өкпе тінінің тығыздалу синдромының әдетте 14-22 сағат ішінде клиникалық белгілері анықталады, рентгендік белгілері де бірінші тәуліктің соңына қарай дәлелді (антибактериялық ем бастап, даму фазаларын тежемесе, гиперемия фазасы аяқталып, қызыл бауырлану басталғанда) болады.
3. Хаттамаға сай: ҚЖА; НЖА; креатинин; фибриноген; кеуде сарайы органдарының жалпы шолу рентгенограммасы 2 проекцияда; ЭКГ. Тығыздалу синдромының өрбуі – ауруханадан тыс плевропневмонияның нақты дәлелі, ал болмаса плеврит диагнозы жеке қойылып, фтизиатр кеңесі жүргізіледі, серозиттермен сипатталатын жүйелі аурулармен ДД қажет болады.
4. Емі стационардан басталады, оған көрсетпелер: САҚ 90 мм сын. бағ.; ЖСС 120; тыныс жиілігі 30 мин.
Клиникалық жағдай N5
49 жастағы әйел кісі кеуде сарайының сол жартысының күшті ауырсынуына, ауа жетпеу сезіміне, ауыруының сағаттарға жалғасып, өлім қорқынышын туғызатынына шағынды.
Өзін 2 жылдан бері науқас санайды, бірнеше рет кардиологтарда болып, ЭКГ түсірген, патология табылмаған, неврологта емделеді, емін нәтижесіз санайды.
Об-ті: жалпы жағдайы қанағаттанарлық, салмағы артық (салмағы 29 жасынан арта бастаған, дене массасының индексі 33), перифериялық ісінулер жоқ, тері жамылғылары қалыпты. Омыртқа тұсы нүктелері омыртқа жотасының мойын, кеуде бөліктерінде ауырады, қабырға аралықтарын тарайды, бұлшық ет дефансы бар. Өкпесінде везикулалық тыныс, сырылдар жоқ. Жүрек шектері солға ығысқан. АҚ 135/85 мм сын. бағ.
Шұғыл түсірген ЭКГ: ырғақ көзі синусты, ЖСС 78 мин. ЖЭӨ горизонталь. Сол қарынша гипертрофиясының белгісі (Rv5,v6>Rv4).
1. Жетекші синдромдары. Болжам диагнозы.
2. ЭКГ өзгерістерінің мүмкін себептеріне анализ жасаңыз.
3. Сауықтыру шараларын жоспарлаңыз.
N5. Жауаптары:
1. Жетекші синдромдары: дископатия – торакалгия; артық салмақ; кардиомегалия, астено-вегетативті.
Болжам диагнозы:
Негізгі ауруы: Омыртқа аралық остеохондроз, түбіртектік синдром.
2. 29 жасынан қосылған артық салмақ жүрекке күш түсіру арқылы оның камераларының гипертрофиясына жалғасқан.
3. Невропатологпен кеңесе отырып, өмірдің салауатты салтын насихаттау, арнайы мектеп пен психолог кеңесін ұсыну; емдік дене шынықтыру курстарына қатыстыру керек.
Клиникалық жағдай N6
58 жастағы әйел соңғы 3 күн бойына делсалдық, дене қызуының 37,50С жоғарылауы, әсіресе, “өкпесіне қадалған шаншудың” күштілігіне шағымданып келді.
Об-ті: жалпы жағдайы қанағаттанарлыққа жақын, тері жамылғылары қалыпты. Паравертебраль нүктелері сол жағында Th7-10 деңгейлерінде қатты ауырады. Өкпесінде везикулалық тыныс. Жүрек тондары анық, ырғақты, ЖСС 74 мин. АҚ 130/70 мм сын. бағ.
Науқасқа қабырға аралық невралгия диагнозы невропатологпен бірге тұжырымдалып, ем тағайындалды (ҚҚСЕД, В тобының витаминдері). Екі күннен соң науқастың кеуде сарайының сол жартысында 7-9 қ/а жолақ бойымен, ішінде серозды сұйықтығы бар, ұшықтар пайда болды. Дене қызуы жоғарылады. Ауырсыну синдромы бұрынғыдай интенсивті.
1. Жетекші синдромын, оның клиникалық ерекшеліктерін саралаңыз.
2. ДД жүргізетін нозобірліктерді атаңыз.
3. Емдік жоспарын жазыңыз, стационарлық немесе стационар алмастырушы технологияны қолданыңыз.
N6. Жауаптары:
1. Қабырғааралық невралгия; қызба; терілік өзгерістер синдромдары.
2. Herpes Zoster. (Опоясывающий лишай, белдеме теміреткі-ұшық); Қабырғааралық невралгия, аллергиялық дерматит (дәрмектік?).
3. Болжам диагнозы:
4. Стационар алмастырушы технологияны қолданамыз; антивирусты дәрмектер, В тобының ыитаминдері; ҚҚСЕД, иммундық модуляторлар.
Клиникалық жағдай N7
40 жастағы ер кісі, токарь, клиниканың қабылдау бөліміне жедел жәрдем көлігімен жеткізілді, шағымдары: кеуде сарайының сол бөлігінің өте күшті ауырсынуы, үдей түскен ентігу, құрғақ жөтел, жалпы әлсіздік.
Бір сағат бұрын жұмысында ауыр зат көтеру кезінде кеуде сарайының сол жартысында қатаң ауырсыну кенет басталып, тұншығу, құрғақ жөтел, суық тер пайда болған. Жедел жәрдем дәрігерінің жасаған ауырсынуды басатын дәрмектері көмектеспеді, ентігуі күшейе түсті.
Өмірінде ауырмаған, өзінің денін сау санайды.
Об-ті: жалпы жағдайы ауыр, мәжбүр қалыпта отыр, тері жамылғылары қуқыл, суық тер жапқан. Мойын веналары томпайған, тыныс жиілігі 38 рет минутына, перкуссияда кеуде сарайының сол жартысының үстінен тимпанит, дауыс дірілінің қатаң әлсіреуі анықталды, аускультацияда – өкпесінде өте әлсіз везикулалық тыныс, сырылдар жоқ. Жүректің шала тұйық дыбыс шектері төс қырынан 5 см оңға ығысқан, тондары әлсіреген, тахикардия, АҚ 90/60 мм сын. бағ. Ас қорыту жүйесінде ауытқу жоқ.
1.Жетекші синдромдары.
2. Болжам диагнозы, ЖДП дәрігері жасауы тиіс қажетті шұғыл шаралар.
N7. Жауаптары:
1. Кеуде сарайының сол жартысының ауыруы және плевра қуысына ауа жиналу, ТШ, оң қарыншалық жедел шамасыздық.
2. Болжам диагнозы:
Негізгі ауруы: Сол жақты спонтанды пневмоторакс. Асқ.: Тыныстың жедел шамасыздығы. Оң қарыншалық жедел шамасыздық.
Пульмонолог пен торакальді хирургты шұғыл кеңеске шақыру, плевра пункциясын жасау тактикасын жедел шешу. Оған дейін реаниматолгпен кеңесу, ЭКГ; О2 ем, ҚҚСЕД, морфин тағайындау.
Клиникалық жағдай N8
40 жастағы науқас келесi шағымдармен келдi: жүрген кезде пайда болатын төс артының басып ауырсынуы, физикалық күшке дамитын инспирациялық ентiгу, жүрек қағуының ұстамалары, бас айналуы, естен танулар, әлсiздiк.
Анамнезiнен: жарты жыл бұрын естен танулар басталған, науқастың бауыры 42 жасында кенет өлімнен қайтқан.
Об-ті: науқастың жалпы жағдайы орта ауырлықта. Тыныс жиiлiгi 18 мин., өкпесiнде везикулалық тыныс. Жүрек ұшы түрткісі бұғана орта сызығымен 5 қабырға аралығында пальпацияланды. Кеуде сарайының алдыңғы қабырғасымен төс сүйегiнiң сол жағында систолалық дiрiл сезiледi.
Перкуссияда жүректiң шала тұйық дыбысының оң шегi төстiң оң қырында, сол шегi ЖҰТ сай. Жүрек тондары тұйықтау, ырғақты. Жүректiң барлық нүктелерiнде дөрекi, күштi, айдау систолалық шуы естiледi. Айқын естiлетiн нүктелерi (эпицентрі) – жүрек ұшы мен Боткин нүктесi. Систолалық шу науқасты тұрғызу барысында күшейiп, тiзерлеп отырғызғанда әлсiрейдi. Шу мойын тамырларына тарамайды. АҚ 130/80 мм сын. бағ. Пульс жиiлiгi 72 рет минутына, pulsus bifidus (пульс толқыны тез көтеріліп, тез басылады). lшi жұмсақ, ауырсынбайды. Бауыр өлшемдерi Курлов тәсілімен 11-9-7 см.
1. Сiздiң алғашқы диагнозыңыз:
1. Жүректiң ревматизмдiк ақауы
2. Жүректiң тума ақауы
3. Гипертрофиялық кардиомиопатия
4. Ревматизмдік емес миокардит
5. ЖИА, тұрақты күштеме стенокардиясы
2. Фонокардиографиялық тексеруде төстiң сол қыры мен жүрек ұшында I тоннан қалыңқы, ромб тәрiздi систолалық шу тiркелдi. Аорта үстiнде II тон сақталған. ФКГ өзгерiстерге байланысты тұжырымдалатын патология: