ПОУЧЕНИЕ ВАСИЛИЯ КЕСАРИЙСКОГО К ЛЕНИВЫМ
(БАН Тек. пост. 400, л. 79-80 об.)
48. Поучение святаго Василия к лhнивым и не хотящимъ дhлати своима рукама и похвала к дhлателемъ ко всhмъ добрымъ
Не хотhвшу ми, братие, о сихъ глаголати къ вамъ, но боюся Рекшаго, яко рече: убужайте спящыя и на дhло понужайте лhнивыя. Аще ли бhгаете земныя страды, то не узрите благихъ, яко Богъ дhлателемъ обhщалъ есть // (л.79 об.) от страды - здравие, а от труда – спасение. Лhнивый, по апостолу, и не дhлаяй да не ястъ.
Земный дhлатель равенъ есть инокихъ постному житию и труду, понеже оттрясши сонъ и на дhло земное грядетъ, и паче дому пустыню любитъ, зною же и зимh труднымъ тhлом супротивляяся, тhм же ястъ. Таковый, трудовъ своихъ плоды собирая, потребныя сладости тhлу, от тhхъ бо нищыя насыщаетъ, паче же самого Христа, иже во сто умножаетъ сhющаго плодъ, подавая дождь ранъ и позденъ, дhлая иже землю насытится хлhба и руцh его обогатhют, понеже выситъ стогъ гумна своего и хваляйся своимъ трудом благословенъ Богомъ, а лhнивый, славя себе, проклятъ. Аще бо бы пеклъся Богъ лhнивыми, то бы былию повелhл жито ражати, а лhсу всякий овощь.
Горе вамъ, празднолюбцы, имhющимъ вся уды цhлы и тhло здраво, и не требующо дh//лати! (л. 80) Да кую мзду от Бога приимете и что Богу принесете от своего труда? Яко не требуетъ Богъ от лихоимания жертвы, но аки пса закалаема гнушаетъся, не спящимъ бо обhща жизнь вhчную, ни лжющим, ни клевещущимъ, ни крадущимъ, ни лихоимцемъ, но тружающимся с вhрою во всякомъ дhлh.
Ови, прилhжаще польскихъ злацhхъ, скоты и кони пасутъ и от тhхъ десятину дающе Богови, спасаютъся.
Друзии же, сhно сhкуще, агнята кормят и от тhхъ нищыя одhюще, восприимутъ благословение Господне.
Инии же, по морю плавающе и по земли гостьбы дhюще, богатьство собирающе, дадите убо часть душевную церквамъ и нищимъ и отсюду по отшествии вашемъ восприимhте сохранену на небесhхъ.
И всякая рукодhлания имущии подадите милостыню, да тою милостынею обрящете правду судащаго Бога.
Жены, утвержайте лакти своя на дhло и простирайте руцh свои на вретено // (л. 80 об.) и разумhйте, яко добро есть дhлати, никто же бо бес труда вhнчан будет, комуждо бо по дhломъ. Рече Господь: сужу, и кождо по дhлом своим восприимет.
СЛОВО ВАСИЛИЯ КЕСАРИЙСКОГО К ЛЕНИВЫМ
(БАН Тек. Пост. 400, л. 80 об.-81 об.)
49. Слово святаго Василия к лhнивымъ
Любимии, о семъ апостолъ Павелъ извhстует: егда на дhло празднаго возведетъ, польза многа намъ будет от Бога. Зане всякъ бывъ празденъ от дhлъ, на диявольская грядетъ дhла, въ скверная срамословия. На клевету и на укорение и на осужение гораздъ празный и на иная злая. Къ фесалоникиемъ пишет, рече: братие, запрещаемъ и молим именемъ Господа нашего Исуса Христа отлучятися вамъ всякого, без чину ходящимъ, а не по преданию, еже от насъ прияша: не бесчиновахомъ, ни туне хлhба ядохомъ, но всегда день и нощь дhлающе. Да не учити никому васъ не яко не имуще власть, но да вамъ прообразуемъ: яко же кто ленится и не хощетъ дhлати, да не ясть.
Нhкия бо, слышахом, от васъ без чину ходяща, даромъ // (л. 81.) ядуще хлhбъ и ничего не дhлающе, а сильнии себh пищу и одежу добываютъ. Таковымъ запрещаю, да дhлаютъ и свой хлhбъ да ядятъ от своея силы. Кромh бо есть Божия закона празный ходяй, могий, а не дhлая - таковый собираетъ на свою главу вhчныя огненыя муки. Иже могий от своея силы кормитися, а безчиньство приимъ, ходитъ тунеядый чюжый хлhбъ отнюдь - горе таковымъ будетъ.
Се бо есть тягость, еже от инhх приимати. Добрhе есть давати, неже имати, но обаче тhхъ ради речено се, иже вельми суть убози и немощни, а иному же никако празну ясти, развhе недужныхъ и старыхъ. Имhхъ бо, рече, власть празденъ быти от ручнаго дhла, упражняяся на проповhдь, питатися от учимых, но сего дhля вhща, достоитъ дhлатель мзды своея, да от своего труда кормится, а излишняя маломощнымъ и нищымъ подавая.
Не единымъ мужемъ повелhно // (л. 81 об.) дhлати, но и женамъ, всяко бо зло от празности ражается, жены бо празности навыкаютъ, мужа имhютъ потаковника, празни будуще преходятъ в чюжыя домы, пронырьству научаются. Вякой злобы мати есть лhность. Горши больнаго лhнивый: больный бо ясти не хощетъ, а лhнивый ясть, а не дhлаетъ, и не можетъ таковый спастися. Иже бо на дhло лhнится, тотъ ни о души своей не радитъ.
ПОУЧЕНИЯ О ЛЕНИВЫХ ИЗ «ПЧЕЛЫ»