Лончен Рабжам. Общее изложение Самого Тайного (тибетский текст). zab mo yang tig las dzagsang ba bla med spyi babs bzhugs so
bla na med pa'i spyi babs bstan pa
stong khams gdal ba chen po la phyags 'tshal lo
skye med klong nas thugs rje'i skur bzhengs pa
rig pa'i rgyal po rang byung kun tu bzang
'od lnga'i rang bzhin rigs lnga lhun rdzogs ngang
thugs rje kun khyab 'phro la phyag 'tshal lo
sems nyid ngo bo gzhi rtsa bral
rang bzhin 'od gsal longs spyod rdzogs
thugs rje kun khyab gdal ba shar
gdod nas rnams sangs rgyas la 'dud
phyi nang gsang ba yang gsang las
yang gsang rgyal po bla na med
theg pa rim dgu'i rtser son pa'i
spyi babs dag ni 'di nyid do
gzhi lam 'bras bu rnam gsum las
ka dag lhun grub gnyis su gnas
ka dag rnam pa gsum nyid las
thog ma gzhi yi ka dag ni
gdod nas gzhi rtsa bral ba'o
gnas skabs lam gyi ka dag ni
rang sems stong pa rtsa bral lo
mthar thug 'bras bu'i ka dag ni
gdod ma'i zad sar phyin pa'o
lhun grub gsum las gzhi lhun grub
'od mhta' med pa'i rig pa ni
'khor 'das gang du'ang ma lhung zhing
kun gyi gyes gzhir gnas pa'o
gnas skabs lam gyi lhun grub ni
citta ngung khang gzhal yas na
zhi khro rang gsal 'od lnga'i gdangs
mig nas sprin bral mkhar snang ba
mngon sum gong 'phel tshad phebs so
mthar thug 'bras bu'i lhung grub ni
de nyid nyams su blangs ba'i mthar
chos nyid zad pa'i snang ba thim
nang dbyings lhun grub chen po'o
de las slar yang rig pa'i gdangs
sems can rnams kyi mos pa bzhin
rang gdangs rigs lnga khro bo'i sku
stong gsal kun khyab ye shes so
'khor 'das rang bzhin babs tshul ni
ka dag chen po'i ngnang nyid las
'od mtha' med pa'i rig pa ni
mkha' la 'ja' tshon bzhin du shar
lhun grub gzhi yi sangs rgyas te
gdod ma'i mgon po 'od mi gyur
'khor 'das gang du'ang ma chad ching
sngar sangs sna nas rgyas pa'o
de la rig pa'i rtsal gyos pa
gyos tsam nyid nas rang rig pa
thog ma'i kun tu bzang po ste
gzhi thog nyid nas grol ba'o
'dis ni bag chags ma bsags shing
skad cig gyos pa rang rig pas
skad cig gcig gis rdzogs sangs rgyas
yon tan ye nas rdzogs pas na
phyis 'byung rgyu 'bras des bskyed pa'i
sku dang ye shes ma yin te
gdod nas gzhi la lhun grub phyir
rtsol bas bsgrub tu mi dgos pa'o
'dis ni skad cig gcig de la
shes bya'i dkyil 'khor kun gzigs pas
slar yang 'khor ba ma yin no
gzhi yi sangs rgyas ngang nyid las
rig pa'i rtsal 'phros 'phro mthud de
rang ma rig pas rang nyid la
gzung 'dzin gnyis su sgro btags pas
bdag gzhan gnyis sogs sna tshogs byung
de yis rgyu dang rkyen byas te
sems kyang rags phrashin tu phra
gsum byung srid gsum rang shar te
thog mar gzugs med de nas gzugs
de nas 'dod pa'i khams su byung
de 'dra'i sna tshogs 'gyu ba'i sems
gzhi la med la rtsal la snang
'gyus stong rang ngo sus shes na
de ni grol ba byid du 'gyur
grol ba thog ma gang yin pa'o
rig pa 'od lnga'i rang bzhin ni
thog ma'i ngang las snang stong gnyis
de las rig pa'i rtsal yang gnyis
snang ba'i rtsal dang stong ba'i rtsal
snang ba'i rtsal ni lus dang yul
sna tshogs snang ba'i dngos kun shar
de yangs lhun gryd rtsal du'u
stong ba'i rtsal ni 'gyu ba'i sems
gzhi rtsa med pa sna tshogs 'phro
'phros tsam nyid nasbltas na med
ka dag rtsal las rang byung no
yon tan skyon du shar bas na
rtsal 'di gnyis kyis mthong rkyen byas
de gnyis spyang byed rnam pa gnyis
thod rgal dang ni khreg chod do
thod rgal gyis ni lus dang yul
rdos bcas rang gdangs 'od lngar grol
de tshe thog ma'i rig pa ni
'od lnga'i nang du rang grol lo
khreg chod gyis ni 'gyu ba'i sems
'gyus ba'i ngo bor bltas pa'i tshe
'gyu bas 'gyus ba rang grol nas
cog bzhag rang babs rang gnas pas
rtsa bral thog ma'i rig pa 'di
chos nyid zad pa'i ngang du grol
thog ma rang gnas 'pho 'gyur med
'byung bzhi zad pa'i nam mkha' la
'gyu ba zad pa'i rig pa de
rang byung rang 'od rnam lnga'i gdangs
zhi khro la sogs rang snang yang
rkyen bral chu zla 'ja' tshon bzhin
rang snang 'og min gzhal yas na
rang nyid gtso 'khor tshul tsam snang
gdul bya 'dul byed ma yin no
de las sprul pa'i zer 'phros pas
sems can rnams kyi mos pa bzhin
bzo dang skye dang byang chub che
zhi dang khro bo'i rnam sprul ni
gdul bya'i 'jig rten gang yod der
ji ltar 'tshams pa'i cho 'phrul gyis
'gro ba'i don kun lhun gyis grub
chos tshul 'di ni nges pa'i don
ji bzhin nyid las dgongs don med
des na byar med klong yangs kyis
mchims phu dpal gyi ri la sbyar
dge'o dge'o dge'o
This page is maintained by Valeriy E. Ushakov