Чацверты агульна-земскі прывілей
[5.02.1447 г. Грамота великого князя литовского Казимира]
Во имя божье, аминь.
К вечной речи памяти.
Вси речи, которыи бывають, от людской памяти поспол с часом отходят, а ни потом у памяти могут приведены быти: олиж писмом мають потвержены быти. Про тож мы Казимир, с божьей милости выбраный король Полский и великій князь Литовскій, и Рускш и Жемоитскій и иных земель, познавши верность уставичную почтивых, достойных, освеченых, выбраных, мудрых прелатов духовных и светских княжат, рыцеров, шляхтичов, бояр, местичов земель великого князьства Литовского и Руского, Жемоитского, которую ж к нам и к нашой парсуне освяченой, как то до правого дедича и пана при-роженого, имели и имеюць, а також и на потом имети уставичне и верно мыслять, якож то черес осмотренье наше есть найдено: достойне умыслили есмы, за такіе доброты и ласки, - дары и иными ласками им милостиве отдарить; бо тогды потом к нам и к нашим службам найдени будуть рихлейшими, коли себе узрять такими ласками утешоны.
1. Тогож деля, наипервей предреченым прелатам, княжатом, рытерем, шляхтичом, бояром, местичом нареченных земель великого князьства Литовского и Руского, Жемоитского, неотзывне дали есмо и моц'ю того листа щедре даем, произволяем и вечне даруем посполито, права тые, зво-леньства, твердости, якож имеють прелаты, княжата, рьггери, шляхтичи, бояре, местичи коруны Польское. Аже бы потом в том не было никоторое отщепение, а любо недоверство возникло, туто умыслили есмы положити через выклад письма явне.
2. А на-первей, вся дарования, привилеи, твердости церквей головных, зборных и кляшторных, в землях наших великого князьства Литовского и Руского, Жемоитского и иных, поставленных и заложенных, а и потом который будуть заложены, хочем без порушениа и без обид ховати, боронити и щитити, подлуг всее нашее моци.
Которая ж то церква головная, зборная, кляштырная, иж бы пуста была, а пастыря не держала, которое ж поданье к нам и к нашим наместником пригодило бы ся; тогды им с полного права, не иного, а любо не иных, пастыря, а любо пастырев давати маем, нижьли великого князьства нашого Литовского, прироженого, аж достойными обычаи найден будеть; аж пак не будеть, тогды иншого рожаю парсуну ужиточную, почестливую, згод-ную, которая ж бы могла рядить и вжиточна быти, маем дати, только крат, колько будеть надобе.
3. Также предреченым прелатом, княжатом, рытерам, шляхтичом, бояром, местичом предреченых земль великого князьства Литовского, Руского, Жемоитского, дали есмо: штож ни на жадного обмовление явное, или тайное,- тых княжат, рытеров, шляхтичов, бояр, местичов не будем казнити, ни именьи, ани пенязьми, ни нятством, и кровью, олиж очи-в-очи, оба посполь явно стануть на суде, подлуг права христианского: который ж будеть у подлуг переможенья права виноват, вподлуг обычая и права коруны Польское мають быти казнены и сужены, подлуг их великости проступков.
4. Також за проступку, каково ль коли проступить, нихто иный, только тот виноватей, хто проступить, подлуг права христианского имать быти казнен; штож ни жена за проступку мужа своего, а ни отец за проступку сына, а ни иный прироженный, а ни слуга, только олиж бы был причастник тое проступки, только выймуючи проступки против нашого господарства.
5. Також призволяем, абы княжата, рытеры, шляхтичи, бояре, добровольно имели бы моць выехати з нашых земель князьства великого, для лепшого щастья набытья, а любо учинков рытерских, до каждых земль, сторон, только выменяючи стороны неприятельское: а купы вьтеждиваючи из своих имений штобы службы наши не были замешканы, але нам и наместником нашим как бы сами очивисте были, только кроть надобе служили бы.
6. Також предреченыи княжата и рытеры, шляхтичи, бояре, местичи, именья свои и отчины, што им даное, а люби дарованное через освяченого князя Александра, нареченного Витовта, достойной памяти дяди нашего, и через освяченого князя Жигимонта даные и дарованые, который ж держали, и имаюче и володеюче из их дарования привильями, достаночным све-точством, твердостю листов возмогуть досветчити: с правом мають держа-ти, якож то княжата и рытеры, шляхтичи, бояре и местичи у коруне Польской свои именья держать, и добровольную моць мають продати и замени-ти и зычити, и дарити, и к своему лепшому обернута; а коли тыи именья продаючи, заменяючи, изыначаюче, даруюче, перед нами а любо перед нашими наместники имаюць здати.
Також по смерти отцове, сынове и дочки от своее отчины не ма-юць отдалены быти, але с их ближними с полным правом мають володети, якож то княжата, рытеры, шляхтичи и местичи коруны Польские своим володеють и к ужитком добрым промышляють.
8. А також, коли некоторому князю, рытеру, шляхтичю и местичу с того света пригодилося бы изыйти, тогды удову у в именьи мужа ея оставите хочем так долго, как долго будеть на столци вдовьем седети: аж, пак, коли которая усхочет к другой свадбе прийти, маеть быти дана, когож выбереть. А дети, аж будут первого мужа, в именьи мають остати: аж, пак, не
будет детей первого муха, ино ближним именье первого мужа, якож и
иный удовы у коруне Полской держать.
Аж первый муж у предреченом именьи своем своей жене некоторое вено запишеть, а она можеть того досзетчити: тогды, подлуг обычая права, кому усхочеть тому полепить.
9. А також дочки, племенници и удовы могуть замуж давати, нас и
наших наместников не докладываючи, нижли только обычай христианский
у том заховаюче.
10. А теж вси, а каждый особне, селяне и подданные княжатом, ры-
терем, шляхтичом, бояром и местичом наших земель великого князьства
Литовского, от всего данья и заплаты, собранья, вытягненя серебщизны, и
теж мер, который же дякла реченыи суть, от воженя каменя, протесов бре
вен и дерева на жженя плит, а любо мелу на городы, сенокошеня и иных
несправедливых работ выпущены и будуть вольны и выняты, выменуючи
работы на будованье городов нашых новых потребных, а старых поправ
ленья; теж княжатом, рытерем, шляхтичем селян данных и подданых и че
рез нас им дарованых також выимаюче.
А теж из-стародавна зыченые на нас и на наши будущий уряды поборы, стацыи, мостов новых чиненя, старых поправленя, а городов оправ-леня, непорушне заховаем, а и хочем всегда имети неслободных.
11. А також мы, а любо заказники наши, тых предречоных княжат, рытерев, шляхтичов, бояр, местичов земль наших Литовских и Руских и Жемоитских и иных, людей данных, извечных, селянитых, невольных, которое бы коли плоти были, а любо достойности, не приймем, а ни урадни-ком нашим принять не перепустим; а они теж прелаты, княжата, рытери, шляхтичи, бояре, местичи великого князьства Литовского и Руского, Жемоитского, наших и будущих людей, которое бы коли плоти были, а любо достойности, приняты сами, а любо через свои врядники, ни жадным обычаем не смети будуть.
12.Також на подавание предреченых княжат, рытерев, шляхтичов, бояр, местичов децких не дамы; олиж бы первей от пана, которому ж тот поддан, который кривду вчинил, правда пожадана была, а любо наших заказников имать быти послан; а виноватый, который вину заслужил - пану своему, а не иному будеть обязан заплатить.
Також обецуем и слюбуем, иж панства нашего земль, великого князьства предреченого, не вменшим, але у границах, как же предки были наши, на имя князь Александр, нареченый Витовт, дядя наш, и иные держа- ли и володели, також и мы тыеж земли здорови, целы, держати будем, и во-лодети и щитити, а с божьею помочью и всими силами размножати будем.
14. Також обецуем и слюбуем, иж в землях тых наших великого князьства земль, городов, мест, а любо которых - колвек дедичцв, у воло-дение и держание, а любо некоторый вряды а любо чти, не маем дать в честь никоего чюжоземца, але только родичам тых, земль наших предре-ченых великого князьства Литовского дамы, и наши после будущий дадуть в держание и володенье.
А на свидетельство сего листа, печать наша есть привешена. А дея-лося и дано через руце велемощного Михаила Кезгайловича Здавилатови-ча, великого князьства Литовского канцлеря, в Вильни, в день святаго Жикгимонта, в лето б.н. 1547...