Пöла-мачöн» ворсöм

Г.И. Ватаманова, Ж.Г. Сизева, Е.Н. Ярошенко

маръямоль

 

Сыктывкар


Условнöй пасъяс

JJ - сёрнитам

s- вочавидз юалöм вылö

& - кывчукöр

С – синоним

А – антоним

О – омоним

² – велöд наизусть

G – босьт тöд вылö

: – вöчам содтöд удж

“ – грамматика

{– выль тема

H – гортса удж

¯ – творческöй удж

Т – тöдмав


{ Гожся казьтылöмъяс. 5-öд класса материал мöдпöвъёвтöм

Рисунок: луг с разными цветами (преобладают желтые), яркое солнце, облака в виде лебедей, река, на берегу мальчик удит рыбу, девочка плетет венок.

 

… удж. Лыддьы да гöгöрво кывбурсö. Корсь кывбурысь серпас дорö лöсялана кывъяс.

Гожöм.

Коми муын Кор гожöмыс бур, Шондi-дзоридзыс Лэптöма юр. Кыптöм енэжас Кымöрыс – юсь. Сэсь оз сöдзöдчы Зэрыслöн тусь. Шоныд ывлаыс Кыпöдö лов. Дырджык миянкöд, Гожöмöй, ов!

А. Мишарина

 

² Велöд кывбурсö.

 

… удж. Лыддьы да гöгöрво текстсö. Вочавидз текст помын юалöм вылö.

Гожся лунö.

Сашук бура колляліс шойччан лун. Асывбыд сійö узис, а сэсся сёйис веськыда вольпасяс. Лунтыр ворсіс ывлаын: котраліс зонкаяскöд, дурис, туплясис турун вылын. Юасьтöг ветліс ю дорö купайтчыны.

Рытывбыд Сашö дöзмöдіс ичöт чойсö. Войбыд кывзіс гора музыка да видзöдіс телевизор. Сöмын мыйла сэтшöма мудзисны бать-мамыс?

 

JJ Сёрнит ёртыдкöд гожöм йылысь.

- Кутшöм гожöмнас вöлi поводдяыс?

- Кыдзи отсасин бать-мамыдлы?

- Кутшöм град выв пуктас быдтiн гожöмнас?

- Кутшöм вотöс да тшак чукöртiн?

- Мый заптiнныд бать-мамыдкöд тöв кежлö?

 

… удж. Гиж текстсö, содты лöсялана эмакывъяс.

Водз … -ын ме …-кöд ветлі …-ла. …-ысь ме аддзи дас кык еджыд …, а …-лы сюрис дас нёль. Ставныс вöліны ёнöсь, мичаöсь. Сэсся …-ысь сюрисны солалан …-яс: … да … . Ми локтім …-ö тыр …-öн.

Отсöг вылö кывъяс: бать, ар, тшак, яг, гоб, вöр, чуман, ягсер, ельдöг, горт.

 

Рисунок: Бабочка (перелётный вид).

 

… удж. Лыддьы да гöгöрво юöрсö. Гиж кажитчана гут-гаг йылысь ас юöр, серпасав.

Бобув.

Бобув – тайö медмича гут-гаг. Сійö быттьö уна рöма дзоридз.

Бобувъяс зэв бура лэбалöны, кодсюрöяс вермöны лэбны Европаысь Африкаö. Сэні найö пуктöны колькъяс. Выль бобувъяс сійö жö туйöд локтöны бöр Европаö.

 

 

... удж. Аддзы коми шусьöгъяслы да кывйöзъяслы роч пöв. Гöгöрвоöд найöс.

Гожöм заптö, тöв дзимлялö. Гожся луныд йöлöн-выйöн исковтö. Кöка войяс дженьыдöсь да югыдöсь. И кöдзыд гожöм тöлысь шоныдджык овлö. И холодное лето теплее теплой зимы. Лето запасает, зима поедает. Летний день молоком-маслом катиться. Белые ночи короткие и светлые.

 

H Аддзы да гиж гожöм йылысь 3-4 шусьöг да кывйöз. Куж найöс гöгöрвоöдны.

 

Т Тöдмав нöдкывъяс.

Рисунок: к каждой загадке рисунок – радуга, дождь, солнце, роса.

 

Ю вомöн мича мегыр öшйöма.   Рисунок: роса
Кор ме кола – йöзыс виччысьöны, А кор ме локта – ставöн дзебсясьöны.   Рисунок: радуга
Гожся войын турун пöвстын Уна югыд эзыысь моль, Тöлысь аддзö, но оз босьтав, А вот шондiыд оз коль.   Рисунок: солнце
Сытöг эськö эз вöв олöм, Мусö, васö сiйö шонтö. Сылöн нюмысь тэныд долыд, Тайö миян зарни … Рисунок: дождь

 

… удж. Лыддьы да гöгöрво текстсö. Аддзы эмакывйысь артмöм кывбердъяс, öнiя када кадакывъяс.

Радейтана дзоридз.

Гожöм. Ме муна туруна видз вывтi. Гöгöр зэв мича, синмö шыбитчöны уна рöма дзоридзьяс. Аддза тайö ловъя серпассö, и нимкодясьö сьöлöмöй.

А менам медся радейтана дзоридзыс – пöлöзнича. Быдмö сiйö муяс вылын да шепта турун дорын. За вылас кыпöдчöмаöсь кузь, оттöм коръяс. Лепестокъясыс воронка кодьöсь, лöз йылаöсь. Шöрас быттьö вижов гöгрöс моль. А сэтшöм чöскыд кöра!

Миянлы дзоридзьяс вайöны радлун да мичлун. Мед найö дзоридзалöны му вылас, нимкодьöдöны миянöс.

«Би кинь» журналысь

 

: Серпасав радейтана дзоридзтö да лöсьöд сы йылысь висьт план серти:

1. Кутшöм дзоридз тэныд кажитчö?

2. Кутшöм сiйö?

3. Кöнi быдмö?

4. Мый вайö йöзлы?

 

{ Гожся шойччöм.

&

вартчыны – плавать вежöдны – зеленеть ветлыны – сходить, съездить вотчыны – собирать грибы, ягоды гожйöдчыны – загорать град йöр – огород дзоридзавны – цвести ёг турун – сорняк ёрны – слепить заптыны – заготавливать купайтчыны – купаться лыа – песок, пляж ляпкавны – мелеть нетшкыны – рвать нимкодясьны – радоваться, любоваться отсасьны – помогать пöжны – припекать пöт – сытый пуктыны турун – заготавливать сено саридз – море суйöр – граница сулавны – нырять тöдмавны – узнать тöдмасьны – познакомиться, ознакомиться сайöдчыны – укрыться мыччыны – подать

 

Кадакывъясын ТЧ, ДЧ, ЧЧ тэчасъяс

Коми кывйын кыв шöрын орччöн вермö лоны кык согласнöй: гора да гортöм. Мöд согласнöйыс аскодялö орччöн сулалысь воддза согласнöйсö. Т да Д оз шусьыны Ч водзын.
Позьö прöверитны: вотчыны → вота босьтчыны → босьта велöдчыны → велöда бергöдчыны → бергöда

 

 

… удж. Содты кывъясö колана шыпас. Уджалöй гозйöн: прöверитöй öта-мöдтö «Коми орфография кывкуд» отсöгöн, кадакывъяссö юкöй чукöръяс вылö.

Бергö.чыны, купай.чыны, мöдö.чыны, че.чыны, вар.чыны, пöр.чыны, во.чыны, чукöр.чыны, лöсьö.чыны, велö.чыны, матыс.чыны, купай.чыны, петкö.чыны, сайö.чыны, кур.чыны, мы.чыны, шой.чыны.

 

… удж. Бöрйы воддза уджысь вит кадакыв да лöсьöд сёрникузяяс гожся шойччöм йылысь.

 

… удж. Гиж лöсялана шыпасъяс содтöмöн.

…ишук …етліс …ойччыны …иктö. …ійö …тсасис …öчыслы, …етліс … орö … отöсла, …упайтчис да …ыйис …ери. …аникулъяс …олляліс …эз …ура.

 

Рисунок: экран компьютера, электорнная почта, на экране письмо.

 

… удж. Лыддьы да гöгöрво Мишуклысь письмöсö, вочавидз юалöмъяс вылö.

Дона мамук!

Со ме и саридз дорын. Аддза сійöс медводдзаысь да чуймала, кутшöм сійö паськыд, помтöм-дортöм, а ваыс сола. Поводдяыс бур: пöжö шонді, пöльтö кокньыдик тöвру, ставыс вежöдö да дзоридзалö. Быд лун ми купайтчам, суналам, гожйöдчам пöсь лыа вылын. Тöрыт ветлім экскурсияöн Ботаническöй садйö, нимкодясим лунвывса быдмöгъясöн. Татшöмыд войвылын абу.

Рытъяснас гажöдчам дискотека вылын. Зэв бура ме шойчча. И век жö быд лун казьтыла тэнö, муса мамук. Мöдöда ассьым фотографияяс: ме выль ёртъяскöд саридз дорын да экскурсия вылын. Регыд паныдасям.

Тэнад Мишук пи

sКытчö нöшта ветлiс гожöмнас Мишук?

Мый зонка сэнi вöчис?

Кажитчис-ö Мишуклы шойччыны саридз дорын?

 

H Вайöд син водзад, мый тэ шойччан лагерын. Гиж бать-мамыдлы либö ёртыдлы письмö.

 

“ Керанторъя, ылыстчан да воан Вежлöгъяс. творительный, отдалительный и предельный падежи  
Керанторъя Кодöн? Мыйöн? Кем? Чем? -öн -
Ылыстчан Кодсянь? Мыйсянь? От кого? От чего? -сянь от
Воан Кодöдз? Мыйöдз? До кого? До чего? -öдз до

 

 
           
Эмакыв -öн Мамöн, поездöн мамой, поездом + -сянь Воксянь, сиктсянь от брата, от села Нимвежтас -öдз Пöчöдз, карöдз до бабушки, до города Шуам: Гожöмнас сиктсянь карöдз ветлö автобус. Саридз дорö ми мунім поездöн. Сыктывкарсянь Москваöдз позьö лэбзьыны самолётöн.
             

 

… удж. Уськöд тöд вылö ина вежлöгъяс. Эмакывъяс дорö содты лöсялана суффиксъяс. Гöгöрвоöд бöрйöм суффиксъяссö. Корсь торъялан кывтэчас.

Ветлi сикт…, купайтчим ю…, шойччисны лагер…, локтi кар…, лэбим Москва…, вотчис вöр…, пуксисны поезд…, муна поезд…, пуксим машина…, локтім машина…, олiнныд палатка…, котöртім палатка… .

 

… удж. Помав сёрникузяяссö, бöрйы да содты эмакывъяс дорö лöсялана суффиксъяс.

1. Сыктывкар(-ын, -ö, -сянь) Анапа(-ысь, -öдз, -ын) позьö лэбзьыны … .

2. Москва(-сянь, -лöн, -öн) Санкт-Петербург (-сянь, -öдз, -ысь) ветлö «Северное сияние» … .

3. Пöч(-öн, -сянь, -лöн) сикт (-öдз, -ö, сянь) ми ветлам … .

4. Горт (-ö, -сянь, -ын) школа (-öн, -лöн, -öдз) ме муна … .

5. Ыджыджык вок(-сянь, -öдз, -öн) воис … .

6. Гожöмнас ми ветлім Из гöра(-сянь, -ö, -öдз) … .

 

… удж. Вочавидз юалöм вылö сетöм кывъяс да кывтэчасъяс отсöгöн.

sКöні тэ вöлін гожся каникулъяс дырйи? Мый вöчин гожöмнас?

Рисунок-схема в виде пиона. В серединке - Гожся каникулъяс дырйи. На каждом лепестке надпись: шойччи саридз дорын, суйöр сайын; гöститі пöль-пöч ордын; некытчö эг ветлы, вöлі гортын; отсаси турун пуктыны; весалі град вылысь ёг турун; ветлі вöрö тшак-вотöсла; вуграси ю дорын; отсаси пöль-пöчлы; уджалі, сьöм нажöвиті; вöлі карын; ветлі музейö; ветлі паркö; ветлi экскурсия вылö; гожйöдчи да купайтчи; видзи мöсъясöс; вöралі батькöд, гуляйті велосипедöн, роликöвöй конькиöн.

 

… удж. Артмöд кывтэчасъяс.

Коллялі (кöні?) Ветлін (мыйöдз?) Шойччис (кыдзи?) Гуляйтін (кыті?) Отсасим (кодлы?) Тöдмаси (кодкöд?) Локтім (кысянь?) Лэбзьöны (мыйöн?) Чеччи (кор?) Сёрнитім (кодкöд?) Казьтыла (кыдзи?) Видзöдіс (мый?) Кывзінныд (мый?) Воис (кодсянь?) Тöдмалi (мый?) Мунім (мыйöн?)

 

… удж. Содты кольöм кадакывъяс, артмöд да гиж сёрникузяяс.

  куим тöлысь.
  пöсь лыа вылын.
Ме Сьöд (Азов) саридзын (юын).
  пöль-пöч ордö.
  уна выльтор.
  выль ёртъяскöд.

 

JJ Лöсьöд гожся шойччöм йылысь ёрта сёрни отсöг вылö юалöмъяс пыртöмöн. Сёрнит ёртыдкöд.

– Кöні тэ коллялін гожся каникул?

– Кыдзи тэ шойччин?

– Мый вöчин каникул дырйи?

– Мый выльторсö аддзылін гожöмын?

– Кытчö тэ ветлін каникул дырйи?

– Мый выльторсö тöдмалін?

– Мый тэ вöчин рытъяснас?

– Тöдмасин-ö выль ёртъяскöд?

– Ветлін-ö мукöд каръясö? Мый сэтысь аддзылін?

– Мыйöн чöсмасин гожöмын?

– Кыдзи тэ казьтылан тайö каникулсö?

 

… удж. Лыддьы да гöгöрво висьтсö. Дасьты план серти гожся лоöмтор йылысь ас висьт.

Медводдза чери.

Медводзöн садьмис Степан:

– Шондіыс енэж шöрас нин, а ті узянныд! Сир-сыныд миян вылын вак-вакöн сералöны.

Öтвылысь юим тшай. Быдöнлöн öти гуся мöвп – шеді-ö войнас чери.

Виталей медводзын котöртіс видлыны подольникъяссö. Вочасöн ставöн разöдчим.

Степанлы мича сын пысасьöма. Радлö, дерт.

Веськыда кö, быдöлы ичöтика шедöма. Ме жö эг тэрмась: кык подольниктö öдйö видлала. Степан шмонитö:

– Енмыслы Ичöт Миш кевмö. Ыджыд чери корö.

Петь юаліс:

– Ачыд лэптан али отсöг виччысян?

Весиг повзьышті.

– Ачым, дерт.

Öти подольникас прамöй сир шедöма, а мöдас – налим. Ёртъяс мекöд тшöтш радлісны. Ошкисны и. Öні пö тэнö, ичöт Миш, сьöрысь пыр кутам босьтны.

 

План:

1. Кытчö ветлін гожöмнас?

2. Мый аддзылін?

3. Мый выльторсö тöдмалін?

 

Рисунок: на столе тарелка с салатом из редиса, огурцов, оливок с соусом из сыра и сливок. На рисунке – рецепт.

 

… удж. Лыддьы да гöгöрво текстсö.

Гожся салат.

Тасьті пыдöсö пуктавны салат коръяс. Мыськавны градвыв пуктасъяс. Та бöрын вундавны редис нёль пельö, öгуреч гöгыльясöн, посньöдлыштны оливки. Мичаа пуктыны тасьтіö.

Вöчны соус: тэртука пыр лэдзны сыр да гудравны сливкиöн, выйöн да уксусöн, содтыны специяяс. Кисьтны соусöн салатсö.

 

H Вöзйы ассьыд радейтана гожся сёянлысь рецепт.

 

: Велöдчы ёртъясыдкöд ворсны «Пöла-мачöн» ворсöмысь.

Пöла-мачöн» ворсöм.

Пудъясьöмöн бöрйöны мачö кучкалысьöс, мукöдыс мач куталысьяс. Ворсны колö лöсьöдны ичöтик резина мач, палич (метра кузьта кымын бедь) да неыджыд пöв. Пöвсö сувтöдöны. Мач куталысьяс мунöны боклань, а кучкалысьыс пöв дорсяньыс качöдыштö мачсö вылö да кучкö паличнас. Мач куталысьяс зільöны кутны лэбысь мачсö. Коді кутас, сійö лоö кучкалысьöн. Некодлы кö оз удайтчы кутны, быдöн тэрмасьö медводдзаöн кыпöдны мачсö му вылысь да шабитны пöвъяс. Инмас кö, сійö лоö кучкалысьнас, а оз кö инмы, кучкалысьыс кольö важыс. Мачсö куталысьясöн шыбитігöн кучкалысьыс öвтчö бедьнас, дорйö ассьыс пöвсö инмöмысь.

Ю. Рочев

… удж. Дасьтысь да гиж диктант.

Гожся лунö.

Гожся лунö Женя да Вова мунiсны вотчыны. Пырисны найö тöдса нюрö. Чеччалiсны вутшкысь вутшкö. Друг кыпöдчис сьöд кымöр да чорыда зэрмис. Паськöмныс дзикöдз кöтасис. Но зонъяс öктiсны уна мырпом. Дозъяс тырöм бöрын сёрнитчисны лэччыны бöр гортö. Мöдöдчисны нюрысь. Прöсек бокын пестiсны бипур, пöрччысисны да косьтысисны. Неуна шойччисны да котöртiсны гортлань.

50 кыв

 

{Арся кодзула пас улын.

&

Веськöдлысь – управляющий Веськыд – честный, прямой Зык – ссора Лöсявны – подходить Оласног – образ жизни Öтдортны – недолюбливать, обижать Панны – затевать Тырмытöмтор – недостаток, ошибка Ылöдлыны – обмануть Яндысьысь – стыдливый, стеснительный
Рисунок: Ночное небо. Звездопад. Внутри звезд знаки зодиака: Дева, Весы, Скорпион.

… удж. Лыддьы да гöгöрво текстъяс. Вочавидз юалöмъяс вылö.

 

Дева.

Веськöдлысь планетаыс – Меркурий. Дева сюсь, яндысьысь, бур сьöлöма, вежавидзысь, тöлка да уджач. Абу сёрниа. Велöдчö олöм чöжыс. Олö дыр. Йöзыс пыдди пуктöны. Но тшöкыда панö зык дзик нинöм абусьыс. Радейтö критикуйтны мортлысь тырмытöмторъяс, но оз ошкы бурторйысь. Дева вермас лоны бур политикöн, экономистöн, велöдысьöн, библиотекарöн.

 

Весы.

Весы – вежöра, небыд, кокни сяма морт. Оз радейт зыксьöм, кöть мукöддырйиыс ачыс панö зыксö. Весы – веськыд морт, но оз тырмы повтöмлун. Вермö ылöдлыны, весиг медматыссаясöс. Но йöзыс Весыöс пыдди пуктöны мелі кывйысь. Радейтö музыка, вöр-ва, окотапырысь путешествуйтö. Весы вермас лоны бур адвокатöн, журналистöн, дипломатöн, вузасьысьöн, актёрöн либö администраторöн.

 

Скорпион.

Веськöдлысь планетаяс – Марс, Плутон. Кыпыд сьöлöма морт, но чорыд сяма. Овлö скöр, та вöсна сылöн этша ёртыс. Сылы пыр кажитчö, мый сійöс öтдортöны, критикуйтöны. Скорпион пыдди пуктö асшöр олöм. Сыысь артмас бур хирург, юрист, веськöдлысь.

 

?Кодi тэнад ёртъясысь чужöма тайö кодзув чукöръяс улын?

Кыдзи тэ чайтан, мый лöсялö налöн сямлы?

 

JJ Сёрнит ёртыдкöд.

– Видза олан, …!

– Видза олан, …!

– Кор тэ чужин?

– Ме чужи …

– Коді тэ гороскоп серти?

– Гороскоп серти …

– Кутшöм йöз чужöны тайö кодзула пас улын?

– Тайö …

– Аттьö, аддзысьлытöдз!

– Аддзысьлытöдз!

 

H Аддзы да комиöд ассьыд гороскоптö.

 

Öткодялан кывбöръяс. Сравнительные послелоги

Серти Дорысь в сравнении, по сравнению, чем …
Пример вылö: Йирым серти поводдяыс кöч тöлысьö косджык да шоныдджык. Гожся шондіыс арся дорысь меліджык.

 

… удж. Чукöрт сёрникузяяс.

1. Весы, дорысь, рамджык, Скорпион.

2. Тöлысь, вöльгым, кузьджык, серти, йирым.

3. Радейта, ме, ёнджыка, футбол, баскетбол, дорысь.

4. Помын, ар, кузьджыкöсь, лунъяс, войяс, дорысь.

5. Унджык, мам, бать, вотiс, пув, серти.

6. Вокöй, смелджык, дорысь, ме.

7. Каникул, гожся, арся, дженьыдджык, серти.

8. Турипув, пув, дорысь, шомаджык.

 

… удж. Лыддьы да гöгöрво аслад кодзув пас улысь меню.