Жеке тұлғалардың депозиттерін сақтандыру жүйесінің қызметін талдау

Депозиттерді қорғау жүйесіне Ұлттық банк тарапынан коммерциялық банктердің қызметін лицензиялау жүйесімен қамтамасыз етіледі. Ол мемлекеттік жеке сақтандырулармен толықтырылуы мүмкін. Жалпы әлемдік тәжірибедегі сақтандыру институттарына 600 жылдай. Салымдарыды кепілдеу қоры әлемнің 70 елінде, соның ішінде АҚШ, Жапония, Германия, Франция, Ұлыбритания елдерінде табысты жұмыс істейді.

Салымдарды сақтандыру негізінде банктердің депозиттерді жалпылама қайтарып алуға байланысты қорғау қағидасы жатыр. Яғни, егер депозиттер сақтандырылса, онда салымшыларда өздерінің ақша қаржыларын қайтарып алуларына себеп болмайды. Тіптен банк күйзеліске ұшыраған жағдайда да, үкімет клиенттерге олардың ақшаларын қайтарады немесе клиенттермен олардың салымдарын басқа төлем қабілеттілігі жоғары банкке аудару туралы келіседі. Осындай жолмен депозиттерді жалпылама қайтарудан құтылуға болады, бір немесе бірнеше банктерде проблемалық жағдай болғанның өзінде, банктік жүйеге түгелдей қауіпті шудан құтылуға болады.

Бұл кезде банктердiң мiндетiне сақтандыру қорларында белгiленген көлемдегi депозиттердi сақтау бойынша төлемдердi жасау кiредi. Шығындарды жабу үшін сақтандыру жарналары жетiспеген жағдайда мемлекеттiк бюджет қаржылары қолданылады. Салымшыларға банктерде орналастырылған депозиттерiн қайтару кепiлдiгiн беру банктiк жүйе тұрақтылығын қамтамасыз етудің басты әдістерінің бiрi болып табылады.

Қазақстан Республикасы банк жүйесінің екінші деңгейлі банктеріндегі жеке тұлғалардың салымдарын (депозиттерін) сақтандыру (кепілдендіру) қажеттігі көп жылдардан бері шешімін таппай келе жатқан мәселелердің бірі болатын. Мұндай мәселенің туындауы Қазақстан Республикасы экономикасының нарықтық қатынастарға өтуіне және халықтың банктердегі көптеген жылдар бойы жинаған ақша қорларының, яғни жинақтарының 1990 жылдардың басында инфляция әсерінен банктердің жабылуы салдарынан жоғалып кетумен байланысты болып отыр. Бірақ жеке тұлғалардың салымдарын (депозиттерін) сақтандыру (кепілдендіру) қорын құру оңай мәселе болмады. Халықтың коммерциялық банктердегі салымдарын сақтандырудың біріншіден, халық қолындағы айналысқа түспей отырған ақшалай қаражаттарын экономикаға тарту, екіншіден, ақша иелерінің табыстарын өсіру, үшінішіден, банк жүйесін ақша ресурстарымен қамтамасыз ету, төртіншіден, экономиканың нақты секторларына жұмсалынатын несие ресурстарын көбейту, бесіншіден, өндірістерге ішкі инвестицияны тарту және тағы басқа да көптеген пайдалы тұстары бар. Бұл жүйенің қызметін мемлекеттен ретеуінсіз нәтижелі ұйымдастыру мүмкін емес.

Соңғы жылдардың тәжіребесі көрсеткендей экономиканы мемлекеттік реттеу бойынша іс-шаралар ғылыми-инновациялық, әдістемелік және ұйымдастырушылық негізде органикалық бірігуді қажет етеді. Осы үш бөлімнің біреуінің әлсіреуі экономикалық-әлеуметтік процестерді реттеуде кері әсерін тигізеді және ақша-несиелік, әлеуметтік сонымен бірге халықаралық байланыстардың бұзылуына әкеліп соқтырады [7, 78 б.].

Осы ғасырдың бас кезінде өткен қаржыгерлерден конгресінде “Қаржыгерлер ассоциациясының” төрағасы Д. Сенбаев 400 млн. доллардан астам ақшалай қаражат халық қолында қалып отыр, оны экономикаға банк жүйелері арқылы тарту халықтың банктердегі салымдарын сақтандыру қорын ашуменен іске асады десе, Қазақстан Республикасы Президенті Нұрсұлтан Әбішұлы Назарбаев осы қаржыгерлердің конгресінде халық қолында 1 миллиардтан астам қаражат бар, ол қаражаттарды сақтандыру қаражат иелеріне де, ел экономикасына да тиімді дей келе, Қазақстан Республикасындағы коммерциялық банктердегі жеке тұлғалардың салымдарын сақтандыру-банктердің өздерінің шешетін мәселесі, бірақ мемлекет тұсынан көмек пен реттеуді қажет етеді деп тұжырымдады.

Екінші деңгейдегі банктердегі тұрғындардың және ұйымдардың салымдарын банктердің төлем қабілетінің болмай қалуынан қорғауды қамтамасыз ету мақсатында Ұлттық банкке екінші деңгейдегі ірі банктерімен бірлесе отырып қысқа мерзімде тұрғындардың депозиттерін ұйымдық сақтандыру жүйесін құруды және оны іске қосуды тапсырды. Көп ұзамай, ғасырдың соңына қарай, яғни 1999 жылдың 5 қарашасында Ұлттық Банк екінші деңгейдегі банктермен банктер ассоциациясымен және қаржыгерлер ассоциациясымен бірлесе отырып екінші деңгейлегі банктердегі жеке тұлғалардың салымдарын міндетті түрде ұжымды сақтандыру ережесін енгізді. Осы сақтандыру жүйесі шеңберінде жарғылық қоры 1 миллиард теңгені құраған “Қазақстанның жеке тұлғалардың салымдарын (депозиттерін) кепілдендіру (сақтандыру) қоры” ЖАҚ құрылды [8, 75 б.].

Бұл қорға қазіргі кезде қаржы жағдайы тұрақты халықаралық стандарттар негізінде қызмет көрсетуші тұрғындардың мерзімді салымдарының 90% мөлшерін өздеріне жинақтаған 10-нан астам банк мүше болып отыр. Бұл банктер: “КазКоммерцБанкі”, “Қазақстанның Халық Банкі”, “Альянс Банкі” “Тұран-Әлем Банкі” “Kaspi Bank”, “Нұр Банкі”, “Евразия Банкі”, “ЦентКредит Банкі”, “Қазақстанның HSBC Банкі” АО "Банк Kassa Nova", және т.б. Қазақстанның жеке тұлғаларының салымдарын сақтандыру Қоры “Қазақстан Республикасы екінші деңгейдегі банктеріндегі жеке тұлғалардың салымдарын міндетті түрде ұжымды кепілдендіру (сақтандыру) Ережесі” негізінде және басқа да Қазақстан Республикасы Конституциясына, Заңдарына нормативті актілеріне сүйене отырып қызмет ететін қаржы мекемесі. Бұл қордың негізгі мақсаты – қатысушы-банктердің еріксіз жойылуы жағдайында жеке тұлғалардың салымдарын кепілдендіру жолымен салымшылардың мүддесін қорғау. Қор салымшы мен банктің арасындағы қатынаста салымның сақталуының кепілі ретінде үшінші тұлға болып қызмет атқарады. Салымшылырдың мүддесін қорғау банктерге деген тұрғындардың сенімін қайта қалыптастыруға бағытталған. Өйткені халықтың банктерге, қорларға, басқа да қаржы мекемелеріне деген сенімі соңғы үш-төрт жылда өте төмендеп кетті. Бұған себеп аталып отырған мекемелердің өз қызметтерін дұрыс атқара алмауы нәтижесінде жабылып қалуы, банкротқа ұшырауы, міндеттелерін өз уақытында орындамауы, оған мемлекеттің қолданатын шараларының болмауы және тағы басқа көптеген жағдайлар.

Өз жұмысын жүргізіп отырған Депозиттерді сақтандыру қоры тәжірибесі көп шетелдердің депозиттерді сақтандыру қорларының жеке тұлғалардың сұранымды, мерзімді салымдарын және жеке фирмалардың шоттарындағы ақшалай қаражаттарын сақтандыру мүмкіндігін орындау үшін, өз қаржы жағдайын күшейту үстінде. Нарықтық экономикасы жақсы дамыған елдердің банк жүйесінің бірден-бір бөлінбес бөлігі – салымдарды сақтандыру қоры болып табылады. Өйткені салымдарды сақтандыру жүйесі салымшылардың сеніміне жауапты және олардың салымдарының жоғалмауына, тәуекелден қорғалуына кепілдік береді. Қазақстанның жеке тұлғалардың салымдарын кепілдендіру жүйесі шет ел тәжірибелеріндегі сақтандыру жүйелерінің Қазақстан экономикасы жағдайына қолайлы, тиімді жақтарын алып, қалыптасуда. Қор бүгінгі күні өз Ережесін бойынша қаржы жағдайы нашарланған банкті банкрот деп сот шешімінің жариялануымен агент-банк арқылы оның салымшылырына сақтандырылған салым сомасын төлеуді ғана міндеттеніп отыр. Қаржылық қиыншылық көріп отырған банкке қаржылық көмек көрсету немесе келесі бір қаржы жағдайы тұрақты банкке осы банктің активтерін сату туралы ешқандай сөз қозғалмайды. Қор өз қызметінде қатысушы-банктердің сақтандыру жарнасының жоғарылауы жағдайын ескеріп өз Ережесіне шетелдер сақтандыру жүйелерінің озық нәтижелерін енгізуі керек [9, 65 б.].

Қазақстанның салымдарды сақтандыру қорының қарамағында әр уақытта өсіп отыратын қордың резервін құрайтын сақтандырылған салымдар бойынша өтеу үшін төлеуге арналған ақша сомасы бар. Әр тоқсан сайын қатысушы-банктердің күнтізбелік жарналарды аударуымен қордың резерві толығып отырады. Егер қатысушы-банктің бірінің жойылуы барысында сақтандырылған салымдар сомасын өтеуге арналған қордың активтері жеткілікті болмай жатса, онда жетпеген ақша сомасының жартысы қатусышы-банктердің қосымша жарна төлеуі есебінен төленеді.

Салымдарды өтеу қордың қатысушы-банктер арасынан тендр өткізіп анықтаған агент-банкі арқылы іске асады. Осы агент-банк арқылы салымшылар өз салымдарын алуына болады. Ал қордың алған қарызы, төлеген қосымша жарна сомасы және өтелінуге жұмсалынған алғашқы қордағы бар резервтік активтер сомасы жойылып жатқан банкке регрестік талап қою есебінен қайтарылады. Қордың алған қарызы және жарғылық қор есебінен сақтандырылған салымдар сомасын өтеуге жұмсалынған қаражаты қатысушы-банктердің күтілмеген жарнасы есебінен өтелінуі мүмкін. Мұнан түсінетініміз – салымдарды сақтандыру жүйесі ұжымды болып табылады. Сондықтан да қатысушы-банктер еріксіз жойылып жатқан банктің салымдарын өтеу (қайтару) бойынша бірлесіп жауапкершілік жүктейді. Ақшалай қаражаттарын банк депозиттеріне салу барысында салымшы ол банктің сақтандыру жүйесінің мүшесі ме, әлде жоқ па екен білуі керек. Салымдарды сақтандыру жүйесіне мүше болып табылатын банктердегі мерзімді депозит қана сақтандыру объектісі болып табылады, ал басқа депозиттер сақтандыруға жатпайды.

Депозиттерді сақтандыру 2004 жылдың шілде айына дейін келесі мазмұнда болды: егер қатысушы-банк еріксіз жабылатын болып жатса, онда қор банк-агент арқылы салымшыға 200 000 теңгеге дейінгі салымы бойынша 100% өтеу жүргізеді, ал одан ары қарай бекітілген ережелер бойынша өтелінеді. Қатысушы-банктегі бір салымшыға салымы бойынша максималды өтеу көлемі 1 000 000 теңгені құраған. Бұл салымдарды өтеу жағдайы жеке тұлғалар үшін кейбір жағдайларды түсініксіз және сақтандыру қоры мен банктер үшін көп жұмыс уақытын алатын тиімсіз болғандықтан, бұл жағдайды өзгерту мәселесі көтерілді [10, 18 б.].

Ал қазіргі уақытта жеке тұлғалардың депозиттерінің көлемін сақтандыру деңгейі теңге бойынша 400 000 теңге, ал шетел валютасы бойынша 360 000 теңге немесе 90 пайыз мөлшерінде және депозит сомасының пайызы Ұлттық банктің қайта қаржыландыру ставкасын 50% есебінде қайтарылу жағдайыменен қайта қаралып, бекітілді.

Қазақстан Республикасының Ұлттық банкінің басқармасының бекіткен “Қазақстан Республикасының екінші деңгейдегі банктеріндегі жеке тұлғалардың салымдарын (депозиттерін) міндетті ұжымды кепілдендіру (сақтандыру) Ережесі” Қорды басқарудың негізгі құжаты болып табылады.

Ұлттық банк қормен бірлесе отырып, салымдарды сақтандыру жүйесін жетілдіре түсу мақсатында жұмысын жалғастыруда.

Депозиттер нарығындағы дағдарысқа дейін ерекше жыл , негізінен, 2003 жыл болып табылады. Өйткені, бұл жылы халықтың қолындағы айналысқа түспей отырған ақшалай қаражаттарын Банк жүйесіне тарту мәселесі бойынша көптеген қызметтер атқарылды. Олар:

· депозиттің әр түрлерін ашу;

· депозиттер түрлері бойынша ұтыс ойнату;

· салымдарды сақтандыру қоры тарапынан жарнамалардың көптеп жүргізілуі және ең басты мәселе – мемелекет тарапынан Қазақстан Республикасы азаматтарының шетел банктерінің шоттарында сақталынып жатқан заңдастырылмаған (легализацияланбаған) және көлеңкелі нарықта айналыста жүрген ақша қаражаттарын легализациялық процесті жариялау арқылы еліміздің экономикасына тарту.

Жоғарыда көрсеткен жылдың қаңтар айында ҚХБ-да халықтың барлық салымдарының көлемі 35741568 мың теңге болса, оның ішіндегі мерзімді салымдардың жалпы сомасы 20060699 мың теңгені құрады. Бұл салымдардың жалпы сомасындағы мерзімді депозиттердің үлесі бойынша 56,13% болды. Сонымен бірге қормен сақтандырылған салымдар сомасы 20023186 мың теңгені құрап, мерзімді депозиттердің жалпы сомасындағы кепілдендірілген депозиттердің үлесін 99,86%-ке көтерді.

Осы жағдайлар бойынша аталған кезең мен 2007 жылдың қаңтарындағы сәйкес мәліметтерді салыстыратын болсақ, онда салымдардың жалпы сомасы 52754754 мың теңгеге жетіп, оның ішіндегі мерзімді депозиттердің жалпы сомасы 33536737 мың теңгені құраған. Бұл салымдардың жалпы сомасындағы мерзімді депозиттер үлесінің 63,57%-ті құрағанын көрсетеді. Сонымен бірге, қор арқылы қайтаруды кепілдендіретін салымдардың сомасы 22158597 мың теңгені құрап, мерзімді депозиттердің жалпы сомасындағы кепілдендірілген депозиттердің үлесін 66,07%-ке жеткізді. Бұл көрсеткіш өткен кезеңде 99,86% болса, ал қазір 34%-ке төмендеп, 66,07% -ті құрап отыр.

Сақтандыру жүйесінің алдыңғы қатардағы қызмет етіп жатқан қатысушы-банктердің бірі ҚКБ-нің 2007 жылдың бірінші қаңтарындағы жалпы депозиттердің сомасы 13584841 мың теңге болса, оның ішіндегі мерзімді депозиттердің жалпы сомасы 11382039 мың теңгені немесе 85,5%-тін құрады. Ал қор арқылы міндеттемелерді қайтаруды кепілдендіретін салымдардың сомасы 11094876 мың теңгені немесе 97,32%-ті құрады.

Осы кезең мен 2010 жылдың бірінші қаңтарындағы мәліметтерді салыстыратын болсақ, онда мына нәтижелерді көруге болады: жалпы салымдардың көлемі 43673448 мың теңгеге өсіп, оның ішінде мерзімді депозиттердің жалпы сомасы 39802828 мың теңгені немесе 91,14%-ті құрады. Ал қормен кепілдендірілген жеке тұлғалардың салымдарының сомасы 23804349 мың теңгеге немесе 59,81%-ті құрады. Мерзімді депозиттердің көлемі 86,62%-тен 91,14%-ке артып, ол мерзімді депозиттердің көлеміндегі сақтандырылған депозиттердің үлесі 97,32%-тен 59,8%-ке төмендеді.

Осы кезеңдердегі мәліметтерді салыстырып қарау барысында тағы бір қатысушы-банктің депозит нарығындағы қызметнің айырықша болғандағы атап өтпеуге болмайды. Ол – “Нұрбанк” ААҚ.

2007 жылдың бірінші қаңтарындағы сандық мәліметтер бойынша жалпы депозиттердің көлемі 1149417 мың теңге болса, оның ішіндегі мерзімді депозиттердің көлемі 581863 мың теңгені немесе 50,62%-ті құрады. Мерзімді депозиттер сомасындағы сақтандырылған депозиттерінің көлемі 394880 мың теңгені немесе 67,86%-ті құраған. Осы кезеңмен салыстырып қарайтын болсақ, 2010 жылдың бірінші қаңтарында келесі мәліметтерді алуға болады: жалпы депозиттер сомасы 8561743 мың теңгені құрап, оның ішіндегі депозиттердің көлемі 8263818 мың теңгені немесе 96,52%-ті құраған. Ал мерзімді депозиттердің көлеміндегі сақтандырылған депозиттер сомасы 4623769 мың теңгені немесе 55,95%-ті құрады. Мұндағы айтып кетер ерекшелік: “Нұрбанк” барлық қатысушы-банктер арасындағы жалпы салымдар көлеміндегі мерзімді салымдар жоғары болып тұрған (96,52%) және депозиттер нарығындағы айлық қызмет көрсетуінің нәтижесінде 10 есеге жуық (01.10.05) салымдар сомасын тарту мүмкіндігіне ие болған банк.

Қатысушы-банктердің әрбірінің жеке тұлғалардың депозиттерін тарту бойынша қызметтеріне талдау жасайтын болсақ, әртүрлі өзгерістерді көруге болады. Жалпы бір айтатын жай – ол әрбір қатысушы-банктің депозиттерінің жылдан жылға өсіп отыруы. [11, 28б.]

Қордың өз міндеттемесін қатысушы-банктерден қосымша жарналарды тартпай-ақ өтеуге мүмкіндігі бар.

1.3 Коммерциялық банктердің депозиттік нарықтағы

операцияларын талдау

Коммерциялық банктердің депозит нарығын талдамас бұрын қазіргі кездегі Қазақстан Республикасы банк жүйесінің жалпы жағдайына сандық мәліметтер негізінде тоқтала кетейік. Қазіргі кезде өткен жылдармен салыстырғанда банктердің саны 39-ға азайды. Банктердің санының азаюы мына келесі себептерге байланысты:

- банк заңдылықтарының бекітілген талаптарын бұзғаны үшін банктің банктік операция жүргізуге арналған лицензиясы қайтарып алынды;

- несиелік серіктестерге айналуына байланысты банктің лицензиясы қайтарып алынды.

Банк секторының құрылымы бойынша қарайтын болсақ, онда мына келесі мәліметтерді келтіруге болады: мемлекетаралық банктер-1, жарғылық капиталда Қазақстан Республикасы үкіметінің 100%-қ қатысуы бар банктер саны-2, шетелдің қатысуымен құрылған банктер саны-10-нан астам, коммерциялық банктердің филиалдарының-400-дей, банктердің шетелдегі өкілеттіліктерінің саны-8, Қазақстан Республикасындағы резидент емес банктердің өкілеттіліктерінің саны-14, кастодиандық қызмет көрсету лицензиясы бар банктер саны-10. 2005 жылдың 1 қаңтарына байланысты екінші деңгейлі банктердің жиынтық меншікті капиталы 39,1 млрд. теңгеге өсіп (32%), 162,2 млрд. теңгені құрады [12, 41б.].

Банк жүйесіне барлық тартылған депозиттерге талдау жасайтын болсақ, 2005жылдың қаңтар айында 173514 мың теңге депозиттер тартылды.

1 кесте – Банк жүйесіндегі депозиттердің құрылымы *

2005 жылдың қаңтар айында барлық тартылған депозиттер 173514 млн. теңгені құраған.

2007 жылдың қарастырылып отырған кезеңінде барлық тартылған депозиттер 206216 млн. теңгені құрап, 2005 жылдың осы кезеңмен салыстырғанда үлкен ауытқу, яғни тартылған депозиттер 12243 млн. теңгеге, өскені байқалды.

2008 жылдың қаңтарында 214033 млн. теңге депозиттер тартылды.

2009 жылдың қаңтарында барлық тартылған депозиттер 130725 мың теңгені құрап, ең үлкен ауытқу осы жылда болған, яғни 2005 жылдың қаңтар айындағы осы көрсеткіштермен салыстырсақ, 2009 жылдың осы кезеңіндегі барлық депозиттер 784228 млн. теңгеге артқанын көрсетеді. 2010 жылдың тамыз айында бұл көрсеткіштер сәйкесінше 232540 млн. теңгені құрады.

Банк жүйесіне ұлттық валютада тартылған депозиттер 2005 жылдың қаңтарында 173514 млн. теңге депозиттер тартылды.

2006 жылдың осы кезеңінде ұлттық валютада тартылған депозиттер

202068 млн. теңгені құрады, ал 2007 жылдың қаңтарында ұлттық валютада тартылған депозиттер көлемі 212750 млн. теңгені, 2008 жылдың қарастырылып отырған кезеңінде ұлттық валютадағы осы көрсеткіштердің күрт ауытқығанын кете мәліметтері куәландырады. 2005 жылдың қаңтарында тартылған депозиттер 183457 млн. теңге, ал 2008 жылдың қаңтарында бірінші көрсеткіш 191463 млн. теңгені, 2005 жылдың қаңтар айындағы осы көрсеткішердің көлемімен салыстырғанда 2008 жылдың қаңтарында ұлттық валютада тартылған депозиттер 371966 млн. теңгеге артқанын көреміз.

2010 жылдың тамыз айындағы ұлттық валютада тартылған депозиттер көлемі алдыңғы жылмен салыстырғанда сәйкесінше 1,5 есе жуық өсім орын алған.

Банк жүйесіне шетел валютасында тартылған депозиттердің өсу тенденциясына келсек, 2005 жылдың қаңтарында 78299 млн. теңге депозиттер тартылды. 2007 жылдың қаңтар айында шетел валютасында тартылған депозиттердің көлемінің үлкен ауытқуға ұшыраған, яғни 2005 жылдың қаңтарында тартылған депозиттер 78299 млн. теңге болса, ал 2008 жылдың осындай кезеңінде тартылған депозиттер 109319 млн. теңгеге артқан, яғни ауытқудың болғанын көреміз.

2009 жылдың қаңтар айындағы осы көрсеткіштер көлемі мен 2005 жылдың қарастырылып отырған кезеңіндегі шетел валютасында тартылған депозиттерде үлкен ауытқу болған, яғни 2005 жылдың қаңтарында тартылған депозиттер 78299 млн. теңге, ал 2009 жылдың қаңтарында көрсеткіштің көлемі 33441 млн. теңгені құрап, 2009 жылдың қаңтарында шетел валютасында тартылған депозиттер 33441млн. теңгеге төмендеген. Сонымен, шетел валютасында банк жүйесіне тартылған депозиттер көлемінің жылдан-жылға өсіп отырғаны көрінеді. 2010 жылдың ерекшелігі қаңтар айындағы мәліметтерге қарағанда тамыз айында шетел валютасындағы депозиттердің артқан қарқыны байқалады [13, 45б.].

Жалпы халықтың көзқарасы бойынша банк жүйесіне депозит ретінде тартылған қаражаттардың барлығы бантік операцияларға пайдаланылады. Өйткені, әрбір банк өзінің депозиттік саясатын қаржылық операциялардың тұрақтылығын негізге ала отырып құрады. Сонда ғана банктер тұрақты жоспарланған табыс алу мүмкіндігіне ие болады. Коммерциялық банктердегі тартылған мерзімді депозиттердің 60-70%-і, талап еткенге дейінгі депозиттердің 10-20%-і шетел тәжірибесінде банктік ресурс ретінде, ал қалған бөлігі басқа да активтік операцияларды орындауға пайдалынады.

Қазақстан Республикасының коммерциялық банктері жеке және заңды тұлғалардан депозиттік салымдарды белгілі-бір мерзімге тарта отырып, мерзім уақытының аяқталуымен қайтарып беруге міндеттеме қабылдайды. Ал өз кезегінде осы тартылған ресурстарды банктер қарыз алушыларға негізгі сома мен оның пайызын әр ай сайын қайтарып отыру шартыменен береді. Мұнан көретініміз қарыз алушы үшін бәсекелестің орын алып тұрған жағдайында әрбір ай сайын тапқан табысын немесе табысы болмай тұрған жағдайда несиенің негізгі сомасын бір бөлігін несиенің өтеуі ретінде банкке қайтарып беріп отыруға мәжбүр болады.

• Назад
• 1
• 234
• 5
• 6
• 7
• 8
• 9
• 10
• 11
• Далее