III. Працяг работы над казкай

— Падумайце, ці можна падзяліць тэкст казкі на часткі?

1. Работа ў групах.

Заданне ўсім групам аднолькавае — падзяліць тэкст казкі на часткі і кожнай з іх даць загаловак (5 мін).

Праверыць работу кожнай групы. За аснову ўзяць найбольш удалыя загалоўкі (у абмеркаванні прымаюць удзел усе вучні). Кожную частку прачытаць.

2. Са скарбонкі народнага слова.

— Растлумачце выразы (запісаны на дошцы):

1. Парады патрэбны і мудраму.

2. Ад зайздрасці не паразумнееш, не падужаеш, не пабагацееш.

3. Каб добра з людзьмі жыць, не трэба каменя за пазухай насіць.

4. Слухаць добрай рады не пашкодзіць.

Х в і л і н к а а д п а ч н к у (пад музыку)

Дзеці выконваюць практыкаванні для мускулаў шыі, спіны, рук, ног.

Гульня «Дапамажы Чабурашку»

— Дзеці, Чабурашка атрымаў ліст (пісьмо). Ён сабраўся яго прачытаць, але ў гэты час хтосьці яму патэлефанаваў, і ён адлучыўся. У гэты час у пакой заскочыла старая Шапакляк, пырскнула на ліст чарніламі, і некаторыя літары аказаліся залітымі. Дапамажыце рурашку прачытаць пісьмо (запісана на дошцы):

«Пры..ітанне», Ч..бу..а..к..!

В..д..е.., м..е ..ка..з..ў В..ц..р, што к..лі я с..с..рэ..уся з л..дз..мі, то я..ы з..губ..ць ..яне, па..ам..юц.. р..кі, і я..ады ма.. ім не п..т..эб..ы. Я в..ль..і х..а..юю..я. Што раб..ць? П..ра...

К..л..н..

Правільны варыянт

Прывітанне, Чабурашка!

Ведаеш, мне сказў Вецер, што калі я сустрэнуся з людзьмі, то загубяць мяне, паламаюць рукі, і ягады мае ім не патрэбны. Я велмі хвалююся. Што рабіць? Парай.

Каліна.

— Як вы думаеце, які адказ дасць Чабурашка?

— Як на самой справе адбывалася сустрэча Каліны з людзьмі?

—

IV. ІІадвядзенне вынікаў урока. Рэфлексія

— Скажыце, ці былі ў каліны сябры? Хто? Адкуль гэта бачна?

— Ці мог быць вецер сапраўдным сябрам? Чаму?

— Ці добра гэтак думаць пра другіх?

— Ці збыліся прадказанні старой яліны і ветру-бяздомніка?

— А якую параду далі б каліне вы? Як бы паступілі на яе месцы?

—

V. Дамашняе заданне(с. 73-78)

Падрыхтаваць падрабязны пераказ казкі.

Тэма: Набліжэнне вясны. ВАСІЛЬ ВІТКА «СОНЕЙКУ», УЛАДЗІМІР ЯГОЎДЗІК «ЖАВАРОНАЧКІ, ПРЬІЛЯЦІЦЕ...». Пазакласнае чытанне. АВЯР'ЯН ДЗЕРУЖЫНСКІ «ПРАЛЕСКА»

Мэты:

Ø фарміраваць навыкі прадугадвання, прагназавання ў час чытання, уменне правільна і асэнсавана чытаць уголас і моўчкі, выбіраць спосабы завучвання верша;

Ø удасканальваць уменне чытаць выразна;

Ø ствараць умовы для развіцця пазнавальнай актыўнасці вучняў;

Ø садзейнічаць развіццю жадання назіраць за прыродай роднага краю, выхаванню беражлівых адносін да прыроды.

Тып урока: урок-паведамленне.

Абсталяванне: магнітафон, малюнкі.

ХОД УРОКА

I. Арганізацыйны момант

— Вы дружныя і працавітыя. Будзьце заўсёды адзін за ўсіх і ўсе за аднаго.

II. Праверка дамашняга задання

Выразнае чытанне казкі «Калінавая рукавічка», пераказ.

1 група: прачытаць прыказкі аб дружбе, узаемадапамозе.

2 група: адказы на пытанні падручніка.

III. Паведамленне тэмы ўрока

— Зіма, холадна. А ці заўсёды будзе так? Адгадайце загадку.

Не званочак, а заініць.

Ног не мае, а бяжыць.

Як гарэза скок ды скок —

Ён вясёлы ... (ручаёк).

— Ці сустрэліся вы з ручайком, калі ішлі ў школу? Аб чым нам гэта гаворыць?

— Якое становіцца надвор'е вясной? Ад чаго гэта залежыць? (Ад сонейка.)

— Сёння на ўроку мы будзем гаварыць аб сонейку. Паслухайце. як звяртаецца да сонейка пісьменнік Васіль Вітка ў вершы «Сонейку» (форзац падручніка).

IV. Чытанне верша В. Віткі «Сонейку» настаўнікам

V.Чытане верша вучнямі

1. Чытанне напаўголасу.

2. Чытанне самага прыгожага (на думку вучняў) урыўка з верша.

VI. Анализ зместу твора

— Да каго звяртаецца аўтар?

— Што адбываецца ў прыродзе? Прачытайце.

— Да чаго заклікае сонейка аўтар? Прачытайце.

— Якое яно для яго? (Любае.)

— А ці толькі сонейка і ручайкі пачынаюць вясну? А хто яшчэ? (Птушкі якія прылятаюць з выраю.) — Якія гэта птушкі?

— На гэта пытанне нам дапаможа адказаць Уладзімір Ягоўдзін у сваім авяданні «Жавароначкі, прыляціце...» (с. 80-81).

VI. Чытанне апавядання настаўнікам

Бюро даведак: вітаць — рус. приветствовать.