II. Праверка дамашняга задання

1. Выразна прачытаць аб тым, як паводзілі сябе Ромка і Змітрок.

2. Растлумачыць сэнс прыказак аб сяброўстве.

III. Паведамленне тэмы ўрока

— Ці мог Ромка зрабіць па-другому?

— Чаму ён зрабіў так нядобра?

— Падумайце, ці бываюць выпадкі, што можна зрабіць не вельмі добра і пры гэтым з'яўляцца нядрэнным чалавекам?

— Вам, мабыць, цяжка адказаць на гэта пытанне, але так сапраўды бывае. Аб гэтым мы прачытаем у апавяданні Барыса Сачанкі «Хлеб» (с. 118-120).

IV. Чытанне апавядання Б. Сачанкі «Хлеб» настаўнікам

— Што закранула вас пры праслухоўванні апавядання?

Бюро даведак:

борзда — хутка;

неахайна — неакуратна;

капаніца — прылада для працы на агародзе;

пракаўтнуў — праглынуў;

абрус — кавалак тканіны, якой засцілаюць стол;

спакуса — тое, што выклікае неадольнае жаданне;

мроіўся — бачыўся, уяўляўся ў думках, сніўся;

схамянуцца — раптам успомніць аб чым-небудзь.

V. Чытанне апавядання вучнямі

1. Чытанне моўчкі.

2. Чытанне «Вочкі—столь».

VI. Аналіз зместу твора

— Калі адбываліся падзеі, апісаныя ў апавяданні?

— Што прынесла маці?

— Чаму так разглядалі акрайчык хлеба?

— Чаму маці так прыйшлося падзяліць маленькі кусочак хлеба?

— Чаму яна не адламала сабе хлеба?

— Як вы думаеце, што адчувала маці?

— Чаму хлопчык з'еў хлеб? Ці можна яго асудзіць?

— Як аднесліся да гэтага ўчынку брат, маці?

— Чаму дарослыя не дакаралі малога?

— Чаму хлопчык вырас, але тое, што ён з'еў хлеб брата хвалюе яго ўсё жыццё?

Х в і л і н к а а д п а ч ы н к у (пад музыку)

Практыкаванні для мускулаў спіны, ног, рук, шыі.

— Прайшоў час, узнавілася пасля вайны народная гаспадарка. Хлеба хапае ўсім, і не толькі хлеба. Як вы думаеце, чыя ў гэтым галоўная заслуга? (Адказы вучняў.)

— А зараз паслухайце, які адказ на гэта пытанне дае паэт Іван Муравейка ў сваім вершы «Асілкі» (с. 122).

VII. Пазакласнае чытанне. Чытанне верша настаўнікам

— Хто былі гэтыя асілю'?

VIII. Чытанне верша вучнямі

1. Чытанне-гудзенне.

2. «Скачкі» (чытанне праз слова).

IX. Аналіз зместу твора

— Хто такія асілкі?

— Што яны робяць?

— Чаму аўтар называе рукі асілкамі?

— Якія пачуцді трэба выказваць пры чытанні верша?

X. Падвядзенне вынікаў урока. Рафлексія

— Чым з'яўляўся хлеб для людзей у пасляваенныя гады?

— Як наогул трэба адносіцца да хлеба?

— Як адносіцеся да яго вы, вашы сябры, бацькі?

— Ці згодны вы з аўтарам верша ў тым, што рукі ён назваў асілкамі? Чаму?

— Вы хутка станеце дарослымі. Як вы думаеце, ці можна будзе ў будучым вашы рукі таксама назваць асілкамі? Чаму? Паразважайце.

XI. Дамашняе заданне

Кола чытання летам.

Тэма: ПРАВЕРКА ЧЫТАЦКІХ УМЕННЯЎ

Мэта:праверыць сфарміраванасць чытацкіх уменняў вучняў.

ХОД УРОКА

I. Арганізацыйны момант

ІІ. Паведамленне тэмы ўрока

ІІІ. Чытанне тэксту

Тэкст для выніковага кантролю

Буслы

Адзін год мы пражылі ў невялікай станіцы, сярод суцэльных вішнёвых садоў.

Непадалёку ад нашага дому расло старое дрэва. I вось аднойчы ранняй вясной на яго прыляцеў і ўсеўся бусел. Ён доўга штосьці аглядваў.

А на наступную раніцу мы ўбачылі, што на дрэве завіхаліся ўжо два буслы. Яны ладзілі гняздо.

Хутка гняздо было гатова. Бусліха знесла туды яйкі і стала іх высежваць. А бусел то ляцеў за кормам на балота, то стаяў каля гнязда на суку, падкурчыўшы пад сябе адну нагу. Так, на адной назе, ён мог прастаяць вельмі доўга, нават мог крышачку задрамаць.

Калі ў гняздзе вывеліся бусляняты для старых буслоў пачаліся вялікія клопаты. Птушаняты былі вельмі пражорлівыя. Яны цэлы дзень патрабавалі ежы, і буслы-бацькі па чарзе з раніцы да вечара цягалі ім з балота лягушак, рыбак, вужак. (129 слоў.)

Г. Скрэбіцкі

Пытанні да тэксту

1. Раскажыце, як буслы выбіралі дрэва і ладзілі гняздо?

2. Як бусел клапоціцца аб буслісе?

3. Як яны даглядаюць буслянят?

ІV. Вынік ўрока. Рэфлексія

Літаратурнае чытанне

• ⇐ Предыдущая
• 2
• 3
• 4
• 5
• 6
• 7
• 8
• 9
• 10
• 11
• 12
• 13
• 14
• 15
• 1617